കോഴിക്കോട്: കോഴിക്കോട് വീടിന് തീപിടിച്ച് വയോധിക മരിച്ചു.ഇന്ന് രാത്രി ഏഴുമണിയോടെയാണ് കോഴിക്കോട് വടകര വില്യാപ്പള്ളിയിലുള്ള വീടിന് തീപിടിച്ചത്. വില്യാപ്പള്ളി സ്വദേശിനി നാരായണിയാണ് തീപിടിത്തത്തിൽ  മരിച്ചത്. നാരായണി വീട്ടിൽ തനിച്ചായിരുന്നു തീപിടിച്ച സമയത്തുണ്ടായിരുന്നത്.

വയോധികയുടെ വീട്ടിൽ നിന്ന് തീ ആളിപടരുന്നത് കണ്ടാണ് സമീപവാസികള്‍ വിവരം അറിഞ്ഞത്.സമീപവാസികള്‍ എത്തി തീ അണച്ചെങ്കിലും നാരായണിയെ രക്ഷിക്കാൻ സാധിച്ചില്ല.എങ്ങനെയാണ് വീടിന് തീപിടിച്ചതെന്ന് വ്യക്തമല്ല. സ്ഥലത്ത് പൊലീസും ജനപ്രതിനിധികളുമടക്കം എത്തിച്ചേർന്നിട്ടുണ്ട്.