ഹൈദരാബാദ്: ഇന്ത്യൻ ക്രിക്കറ്റ് താരം മുഹമ്മദ് ഷമിക്ക് വധ ഭീഷണി. ഇമെയിൽ വഴിയാണ് താരത്തിന് വധ ഭീഷണി ലഭിച്ചത്. ഒരു കോടി രൂപ ആവശ്യപ്പെട്ടുകൊണ്ട് രജ്പുത് സിന്ധർ എന്ന പേരിലാണ് ഷമിക്ക് വധഭീഷണി ലഭിച്ചത്. ആവശ്യപ്പെട്ട ഈ തുക നൽകിയില്ലെങ്കിൽ ഷമിയെ വധിക്കുമെന്നാണ് ഭീഷണി.

സംഭവത്തിന് പിന്നാലെ മുഹമ്മദ് ഷമിയുടെ സഹോദരനായ മുഹമ്മദ് ഹബീബ് പൊലിസിൽ പരാതി നൽകുകയും ചെയ്തു. ഉത്തർപ്രദേശിലെ അരോഹ പൊലിസ് സ്റ്റേഷനിലാണ് ഹസീബ് പരാതി നൽകിയത്. മെയ് നാലിനാണ് ഇമെയിൽ ലഭിച്ചത്. ഉച്ചയ്ക്ക് രണ്ട് മണിക്കും മൂന്ന് മണിക്കും ഇടയിലാണ് മെയിൽ വന്നത്. 

ഈ സീസണിൽ സൺറൈസേഴ്‌സ് ഹൈദരാബാദിന് വേണ്ടിയാണ് ഷമി കളിക്കുന്നത്. എന്നാൽ ഈ സീസണിൽ ഹൈദരാബാദിന് വേണ്ടി അത്ര മികച്ച പ്രകടനം പുറത്തെടുക്കാൻ ഇന്ത്യൻ പേർക്ക് സാധിച്ചിട്ടില്ല. ഇതുവരെ ആറ് വിക്കറ്റുകൾ മാത്രമാണ് താരത്തിന് നേടാൻ സാധിച്ചിട്ടുള്ളത്. പഞ്ചാബ് കിങ്സിനെതിരെയുള്ള മത്സരത്തിൽ നാല് ഓവറിൽ 74 റൺസാണ് ഷമി വഴങ്ങിയിരുന്നത്. ഈ സീസണിൽ ഹൈദരാബാദും മോശം പ്രകടനമാണ് നടത്തുന്നത്.

Indian cricketer Mohammed Shami receives death threat