തൃശൂർ: വർഷങ്ങൾക്ക് മുമ്പ് തന്റെ സഹോദരിയെ സുഹൃത്ത് കളിയാക്കിയത് മദ്യം കഴിച്ചു കൊണ്ടിരിക്കേ ഓർമ വന്നു. ഉടൻ തന്നെ അന്നത്തെ ദേഷ്യം തീർക്കാൻ 15 വർഷത്തിനിപ്പുറം സുഹൃത്തിനെ കൊന്നു. തൃശൂരിലാണ് സംഭവം.   തൃശൂർ പൊന്നൂക്കര സ്വദേശി സുധീഷ് (54) ആണ് കൊല്ലപ്പെട്ടത്. വിഷ്ണു ( 38) ആണ് സുഹൃത്തിനെ കൊന്നത്. 

15 വർഷം മുൻപ് വിഷ്ണു തന്റെ സഹോദരിയെ കളിയാക്കിയത് മദ്യലഹരിയിലിരിക്കെ സുധീഷിന് ഓർമ വരികയായിരുന്നു. ഇത് സുധീഷ് ചോദ്യം ചെയ്തു. പിന്നാലെ ഇരുവരും തമ്മിൽ തർക്കമായി. അതനിടെ വിഷ്ണു സുധീഷിൻ്റെ തല ഭിത്തിയിടിപ്പിച്ച് പരുക്കേൽപ്പിക്കുകയും മുതുകിൽ ആസ്ട്രോ ബ്ലേഡ് ഉപയോഗിച്ച് മുറിവുണ്ടാക്കുകയും ചെയ്തു. പരുക്കേറ്റ സുധീഷിനെ ഇന്നലെ വൈകിട്ട് തന്നെ ആശുപത്രിയിൽ എത്തിച്ചിരുന്നു. ചികിൽസയിലിരിക്കെ ഇന്ന് രാവിലെയാണ് സുധീഷ് മരണപ്പെട്ടത്. 

ഇരുവരുടേയും പൊതു സുഹൃത്ത് സുകുമാരൻ്റെ വീട്ടിൽ വെച്ചാണ് സംഭവമുണ്ടായത്. സുകുമാരനായിരുന്നു അക്രമം പൊലിസിനെ വിളിച്ചറിയിച്ചത് . പ്രതി വിഷ്ണുവിനെ പൊലിസ് കസ്റ്റഡിയിൽ എടുത്തിട്ടുണ്ട്. ഒട്ടേറെ ക്രിമിനൽ കേസുകളിൽ  പ്രതിയാണ് വിഷ്ണുവെന്ന് പൊലിസ് പറഞ്ഞു.

A young man, drunk, remembered teasing his sister 15 years ago and killed his brother who came to question him.