മലപ്പുറം: മലപ്പുറം പൊന്നാനിയിൽ പൊലീസ് പരിശോധനയ്ക്ക് തടസം സൃഷ്ടിച്ച് എസ്ഐയെ കാറിടിപ്പിച്ച് പരിക്കേൽപ്പിച്ച കേസിലെ ഒന്നാം പ്രതി അറസ്റ്റിൽ. മയക്കുമരുന്ന് (എംഡിഎംഎ) കടത്തി കൊണ്ടുവന്ന വാഹനം തടഞ്ഞ് പരിശോധിക്കാൻ ശ്രമിച്ച പൊലീസുകാരനെ കാറിടിച്ച് രക്ഷപ്പെട്ട പ്രധാന പ്രതി വെളിയങ്കോട് കൊളത്തേരി സാദിഖിനെയാണ് ചാവക്കാട് നിന്ന് പൊലീസ് പിടികൂടിയത്.

സംഭവം ഡിസംബർ 10നായിരുന്നു. പൊന്നാനി എസ്‌ഐ യു.ആർ. അരുണിനെ കാറിടിച്ച് പ്രതികൾ രക്ഷപ്പെടാൻ ശ്രമിച്ചു. തുടർന്ന്, പൊലീസിന്റെ പിന്തുടർച്ചയിൽ രണ്ട് പേരെ നേരത്തെ പിടികൂടിയിരുന്നു. ബംഗളൂരുവിൽ നിന്ന് എംഡിഎംഎ കൊണ്ടുവരുന്നതായി ലഭിച്ച രഹസ്യവിവരത്തെ തുടർന്ന് പൊലീസ് നടത്തിയ പരിശോധനയിലാണ് പ്രതികൾ പിടിയിലായത്.