കുവൈത്ത് സിറ്റി: ഫലസ്തീന്‍ ജനതയുടെ അന്യാധീനപ്പെടുത്താനാവാത്ത അവകാശങ്ങള്‍ സംരക്ഷിക്കുന്നതിനുള്ള ഉത്തരവാദിത്തം അന്താരാഷ്ട്ര സമൂഹം ഏറ്റെടുക്കണമെന്ന് അഭ്യര്‍ത്ഥിച്ച് ജനീവയിലെ യുഎന്‍ ഓഫീസിലേക്കും മറ്റ് അന്താരാഷ്ട്ര സംഘടനകളിലേക്കുമുള്ള കുവൈത്തിന്റെ സ്ഥിരം പ്രതി നാസര്‍ അബ്ദുള്ള അല്‍ ഹായെന്‍. യുഎന്‍ മനുഷ്യാവകാശ കൗണ്‍സിലിന്റെ (യു.എന്‍.എച്ച്.ആര്‍.സി.) 58ാമത് സെഷനില്‍ യുഎന്‍ മനുഷ്യാവകാശ ഹൈക്കമ്മീഷണറുമായുള്ള സംഭാഷണത്തിലാണ് അദ്ദേഹം ഇക്കാര്യം പറഞ്ഞത്.

അധിനിവേശ ഫലസ്തീന്‍ പ്രദേശങ്ങളിലെ ശത്രുതകള്‍ ഉടനടി അവസാനിപ്പിക്കേണ്ടതിന്റെയും മാനുഷിക സഹായം തടസ്സമില്ലാതെ എത്തിക്കേണ്ടതിന്റെയും പ്രാധാന്യം അംബാസഡര്‍ അല്‍ ഹായെന്‍ വ്യക്തമാക്കി. അന്താരാഷ്ട്ര മാനുഷിക നിയമത്തിന്റെയും യു.എന്‍ ചാര്‍ട്ടറിന്റെയും വ്യവസ്ഥകള്‍ ഗുരുതരമായി ഇസ്‌റാഈല്‍ ലംഘിക്കുകയാണ്. ഇതില്‍ അദ്ദേഹം ആശങ്ക പ്രകടിപ്പിച്ചു. ഗസ്സ മുനമ്പിലെയും അധിനിവേശ വെസ്റ്റ് ബാങ്കിലെയും സാഹചര്യങ്ങള്‍ വളരെ മോശമാവുകയാണ്. അതിക്രമങ്ങള്‍, അടിസ്ഥാന സൗകര്യങ്ങളുടെ വലിയ തോതിലുള്ള നാശം, സാധാരണക്കാരെ ബലമായി ഒഴിപ്പിക്കല്‍ എന്നിവയുടെ തുടരുന്നു. ഏറ്റവും ഒടുവില്‍ ജനിന്‍ അഭയാര്‍ത്ഥി ക്യാമ്പിലാണ് ഇത് സംഭവിച്ചതെന്നും അംബാസഡര്‍ അല്‍ ഹായെന്‍ ചൂണ്ടിക്കാട്ടി.

Kuwait wants the international community to take responsibility for protecting the rights of the Palestinian people