ദുബൈ: വിശുദ്ധ റമദാന്‍ മാസത്തില്‍ ദിവസവും നിരവധി മുസ്‌ലിംകള്‍ പള്ളികളില്‍ ഒത്തുകൂടുന്നതിനാല്‍ ദുബൈ മറീനയില്‍ 1,647ഓളം വിശ്വാസികളെ ഉള്‍ക്കൊള്ളാന്‍ കഴിയുന്ന പുതിയ പള്ളി ഉദ്ഘാടനം ചെയ്തതായി ദുബൈ മീഡിയ ഓഫീസ് പ്രഖ്യാപിച്ചു. ദുബൈയിലെ ഇസ്ലാമിക് അഫയേഴ്‌സ് ആന്‍ഡ് ചാരിറ്റബിള്‍ ആക്ടിവിറ്റീസ് ഡിപ്പാര്‍ട്ട്‌മെന്റിന്റെ പ്രസ്താവന പ്രകാരം അന്തരിച്ച ഷെയ്ഖ് റാഷിദ് ബിന്‍ മുഹമ്മദ് ബിന്‍ റാഷിദ് അല്‍ മക്തൂമാണ് പള്ളിയുടെ രൂപകല്‍പ്പന നിര്‍വഹിച്ചിരിക്കുന്നത്.
ഓട്ടോമന്‍ കലയില്‍ നിന്ന് പ്രചോദനം ഉള്‍ക്കൊണ്ടാണ് പള്ളിയുടെ രൂപകല്‍പ്പന നിര്‍വഹിച്ചിരിക്കുന്നത്.

വിശ്വാസികളുടെ സുഖസൗകര്യങ്ങള്‍ ഉറപ്പാക്കുന്നതിനായി ആധുനിക സൗകര്യങ്ങളോടെ സജ്ജീകരിച്ചിരിക്കുന്ന പുതിയ പള്ളി 5,021 ചതുരശ്ര മീറ്റര്‍ വിസ്തൃതിയില്‍ വ്യാപിച്ചുകിടക്കുന്നു. ഉയര്‍ന്ന നിലവാരത്തില്‍ രൂപകല്‍പ്പന ചെയ്തിരിക്കുന്ന മുറ്റവും വുദൂ എടുക്കാനുള്ള സ്ഥലങ്ങളും പാര്‍ക്കിംഗ് സ്ഥലങ്ങളും പ്രാര്‍ത്ഥനാ ഹാളുകളുമാണ് പള്ളിയുടെ പ്രധാന സവിശേഷതകള്‍.

In the presence of Mohammed bin Rashid bin Mohammed bin Rashid, The Islamic Affairs and Charitable Activities Department in Dubai inaugurated the mosque named after the late Sheikh Rashid bin Mohammed bin Rashid Al Maktoum in the Dubai Marina area.@IACADDUBAI pic.twitter.com/J03PftGq15

— Dubai Media Office (@DXBMediaOffice) March 1, 2025

'സമൂഹത്തിന്റെ വൈവിധ്യമാര്‍ന്ന ആവശ്യങ്ങള്‍ നിറവേറ്റുന്ന സമകാലിക പള്ളികള്‍ക്കുള്ള ഒരു മാതൃക' എന്നാണ് പള്ളിയെ ഇസ്ലാമിക് അഫയേഴ്‌സ് ആന്‍ഡ് ചാരിറ്റബിള്‍ ആക്ടിവിറ്റീസ് ഡിപ്പാര്‍ട്ട്‌മെന്റ് വിശേഷിപ്പിച്ചത്. 1,397 പുരുഷന്മാരേയും 250 സ്ത്രീകളേയും ഉള്‍പ്പെടെ 1,647 വിശ്വാസികളെ ഉള്‍ക്കൊള്ളാന്‍ ഇതിന് കഴിയും.

'ദുബൈയുടെ നഗരവികസന യാത്രയിലെ ഒരു സുപ്രധാന ചുവടുവയ്പ്പാണ് ഈ ഉദ്ഘാടനം. നഗരത്തിലെ വര്‍ധിച്ചുവരുന്ന ജനസംഖ്യയ്ക്ക് അനുസൃതമായി മതപരമായ അടിസ്ഥാന സൗകര്യങ്ങള്‍ മെച്ചപ്പെടുത്തുന്നതിനും വിശ്വാസികള്‍ക്കും സന്ദര്‍ശകര്‍ക്കും ഒരുപോലെ ഉയര്‍ന്ന നിലവാരമുള്ള സേവനങ്ങള്‍ ഉറപ്പാക്കുന്നതിനുമുള്ള ശക്തമായ പ്രതിബദ്ധതയെ ഇത് പ്രതിഫലിപ്പിക്കുന്നു,' വകുപ്പ് പ്രസ്താവനയില്‍ പറഞ്ഞു.

New mosque opens in Dubai Marina accommodating up to 1647 believers