റിയാദ്: അനുമതിയില്ലാതെ മരുന്നുകൾ ഉത്പാദിപ്പിച്ച ഫാക്ടറിക്ക് റിയാദിൽ പിഴ ചുമത്തി. റിയാദ് ന്യൂ ഇന്റസ്ട്രിയൽ സിറ്റിയിലെ ഫാക്ടറിക്കാണ് 14.5 ലക്ഷം റിയാൽ പിഴ വിധിച്ചത്. ഫുഡ് ആന്റ് ഡ്രഗ് അതോറിറ്റിയിൽ രജിസ്റ്റർ ചെയ്യാതെയായിരുന്നു ഫാകടറിയുടെ പ്രവർത്തനം. മാത്രമല്ല, രജിസ്ട്രേഷൻ പൂർത്തിയാകുന്നതിന് മുമ്പേ വാണിജ്യ ഉൽപാദനവും വിതരണവും ആരംഭിച്ചിരുന്നു. നിലവിൽ, ഈ ഫാക്ടറിക്കെതിരെ പബ്ലിക് പ്രോസിക്യൂഷനാണ് കേസെടുത്തിരിക്കുന്നത്.

29 ഇനം മരുന്നുകളാണ് ഫാക്ടറിയിൽ നിന്ന് പിടികൂടിയത്. ഇതിൽ ഒരു ലക്ഷത്തിലേറെ മരുന്ന് പാക്കുകളും ഉൾപ്പെടുന്നു. ഫാർമസ്യൂട്ടികൾ ആൻ്റ് ഹെർബൽ എസ്റ്റാബ്ലിഷ്‌മെൻ്റ്‌സുമായി ബന്ധപ്പെട്ട നിയമം, പ്രത്യേകിച്ച് 28-ാം വകുപ്പിന്റെ ലംഘനമാണ് ഈ ഫാക്ടറി നടത്തിയത്. ഈ കുറ്റത്തിന് പത്തു വർഷം വരെ തടവും, ഒരു കോടി റിയാൽ വരെ പിഴയും ചുമത്താൻ സാധിക്കും. നിയമ ലംഘനങ്ങൾ ശ്രദ്ധയിൽ പെടുന്നവർ 19999 എന്ന നമ്പറിൽ അറിയിക്കണമെന്ന് ആരോഗ്യ മന്ത്രാലയം മുന്നറിയിപ്പ് നൽകി.

A pharmaceutical factory in Riyadh has been fined 1.45 million Riyals for manufacturing and distributing drugs without authorization. The factory was operating without registration with the Food and Drug Authority, violating legal provisions. The case is currently being handled by the Public Prosecution.