താനൂരിൽ നിന്ന് കാണാതായ പ്ലസ് ടു വിദ്യാർത്ഥികളായ ഫാത്തിമ ഷഹദ (16), അശ്വതി (16) എന്നിവർ മുംബൈയിലെത്തിയതായി സ്ഥിരീകരണം. പെൺകുട്ടികൾക്ക് ഒപ്പം അക്ബർ റഹീം എന്ന യുവാവും ഉണ്ടെന്നാണ് പൊലീസിൻ്റെ കണ്ടെത്തൽ.

കുട്ടികളെ അക്ബർ റഹീം കോഴിക്കോട് റെയിൽവേ സ്റ്റേഷനിൽ കണ്ടുമുട്ടിയതായി ഇയാൾ പൊലീസിനോട് സമ്മതിച്ചു. എന്നാൽ ഇൻസ്റ്റഗ്രാം വഴി ഇവർ തമ്മിൽ പരിചയപ്പെട്ടതാണെന്ന് പൊലീസ് വ്യക്തമാക്കി.മുംബൈയിലേക്ക് പോകാൻ കുട്ടികൾ നേരത്തെ തന്നെ പദ്ധതി തയ്യാറാക്കിയിരുന്നതായി അന്വേഷണത്തിൽ വ്യക്തമായിട്ടുണ്ട്. ഇത് മനസ്സിലാക്കിയ റഹീം, കോഴിക്കോട് റെയിൽവേ സ്റ്റേഷനിൽ എത്തി. റഹീമിനായി റെയിൽവേ ടിക്കറ്റുകൾ കുട്ടികൾ തന്നെയാണ് എടുത്തു നൽകിയത്.

പോലീസ് പിന്തുടർന്നതായി തിരിച്ചറിഞ്ഞ്, തിരിച്ച് വരാൻ ശ്രമം

പോലീസ് തങ്ങളെ പിന്തുടരുന്നതായി മനസ്സിലായതോടെ റഹീം തിരിച്ച് വരാൻ ശ്രമിച്ചു. നിലവിൽ പൊലീസ് നിർദ്ദേശ പ്രകാരം റഹീം മുംബൈയിൽ തന്നെ തുടരുകയാണെന്ന് അന്വേഷണ ഉദ്യോഗസ്ഥർ അറിയിച്ചു.