ബെംഗളൂരു: തെലങ്കാന ടണൽ ദുരന്തസ്ഥലത്ത് കേരളത്തിൽ നിന്നുള്ള കഡാവർ നായ്ക്കൾ രണ്ടിടങ്ങളിൽ നിന്ന് മനുഷ്യശരീരത്തിന്റെ ഗന്ധം കണ്ടെത്തി. മായയും മർഫിയുമാണ് ഇന്ന് രാവിലെ ടണലിനകത്ത് പരിശോധന നടത്തിയത്.

ഈ സ്ഥലങ്ങൾ  അറിഞ്ഞതോടെ, അന്വേഷണം കൂടുതൽ ആഴത്തിൽ തുടരുകയാണ്. പ്രാഥമിക പരിശോധനയിൽ, മണ്ണ് നീക്കം ചെയ്തപ്പോൾ ദുർഗന്ധം പുറത്ത് വന്നതായി റിപ്പോർട്ടുകളുണ്ട്. എന്നാൽ, നിലവിൽ വലിയ യന്ത്രങ്ങൾ ഉപയോഗിച്ച് പരിശോധന നടത്താൻ സാധിച്ചിട്ടില്ല. ഇപ്പോഴത്തെ സാഹചര്യത്തിൽസംഭവസ്ഥലത്ത് രക്ഷാപ്രവർത്തനം നീണ്ടുപോകുമെന്ന് അധികൃതർ വ്യക്തമാക്കുന്നു. ഉയർന്ന സുരക്ഷാ മുൻകരുതലുകളോടെ അന്വേഷണം തുടരുന്നതിനാൽ, ദൗത്യം പൂർത്തിയാക്കാൻ ഒരു മാസമെങ്കിലും ആവശ്യമായേക്കുമെന്ന് തെരച്ചിൽ സംഘം അറിയിച്ചു.