കോഴിക്കോട്: ഇന്ത്യന്‍ നാഷനല്‍ ആര്‍ട്ടിസ്റ്റ് യൂനിയന്‍ കോണ്‍ഗ്രസിന്റെ ആഭിമുഖ്യത്തില്‍ 10ന് രാവിലെ പത്തുമണിക്ക് ഡി.സി.സി ഹാളില്‍ ഓണാഘോഷം സംഘടിപ്പിക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ചിത്രരചന, നൃത്തം, തെയ്യം, സംഗീതം, കഥ, കവിത, നാടകം തുടങ്ങിയ വിവിധ മേഖലകളില്‍ പ്രവര്‍ത്തിക്കുന്നവരുടെ സംഘടനയാണ് ഐ.എന്‍.എ.യു.സി.
ഈ രംഗത്ത് പ്രവര്‍ത്തിക്കുന്നവര്‍ക്ക് അര്‍ഹമായ പ്രതിഫലം പലപ്പോഴും ലഭിക്കാറില്ല. കല ഐച്ഛിക വിഷയമായി പഠിച്ച് പുറത്തിറങ്ങുന്നവര്‍ക്ക് നിയമനം നടക്കാത്തതിനാല്‍ അധ്യാപകരായി ജോലി ലഭിക്കുന്നില്ല. നിയമനം നടക്കാത്തതിനാല്‍ നിരവധി ഉദ്യോഗാര്‍ഥികളാണ് ഇപ്പോള്‍ ബുദ്ധിമുട്ടനുഭവിക്കുന്നതെന്നും ഇക്കാര്യത്തില്‍ സര്‍ക്കാരിന്റെ ഇടപെടല്‍ ആവശ്യമാണെന്നും ഇവര്‍ ആവശ്യപ്പെട്ടു.
രാമകൃഷ്ണന്‍ മൊടക്കല്ലൂര്‍, അനീഷ് കുന്ദമംഗലം, വേലായുധന്‍ കീഴരിയൂര്‍, രാജേഷ്, സുരേഷ് കണയംകോട്  വാര്‍ത്താസമ്മേളനത്തില്‍ പങ്കെടുത്തു.