കുവൈത്ത് സിറ്റി: ജനസാഗരം കൊണ്ട് പുതിയ ചരിത്രം രചിച്ച് കുവൈത്ത് കെഎംസിസി സംഘടിപ്പിച്ച മെഗാ ഇഫ്താര്‍ മീറ്റ്. കുവൈത്തിന്റെ വിവിധ ഭാഗങ്ങളില്‍ നിന്ന് സ്ത്രീകളും കുട്ടികളും ഉള്‍പ്പെടെയുള്ള പ്രവാസികള്‍ ഇഫ്താര്‍ നഗരിയിലേക്ക് അക്ഷരാര്‍ത്ഥത്തില്‍ ഒഴുകിയെത്തുകയായിരുന്നു. അബ്ബാസിയ സെന്‍ട്രല്‍ സ്‌കൂള്‍ ഓപ്പണ്‍ ഓഡിറ്റോറിയത്തില്‍ നടന്ന ഇഫ്താര്‍ മീറ്റ് ഇന്ത്യന്‍ അംബാസിഡര്‍ ഡോ. ആദര്‍ശ് സ്വൈക ഉദ്ഘാടനം ചെയ്തു. കെഎംസിസി പ്രസിഡന്റ് സയ്യിദ് നാസര്‍ അല്‍ മഷ്ഹൂര്‍ തങ്ങള്‍ അധ്യക്ഷത വഹിച്ചു. ഉസ്താദ് നൗഷാദ് ബാഖവി മുഖ്യാതിഥി ആയിരുന്നു. 

 

 

ഷഹീര്‍ അബ്ദുറഹ്മാന്‍ അല്‍ അസ്ഹരി പേരോട് റമദാന്‍ സന്ദേശം കൈമാറി. ഇന്ത്യന്‍ എംബസി സെക്കന്റ് സെക്രട്ടറി ഹരിത് കേധന്‍ ഷേലത്, അയ്യൂബ് കച്ചേരി ഗ്രാന്‍ഡ്, മുസ്തഫ ഹംസ മെട്രോ, മുഹമ്മദലി മെഡക്‌സ്, ഷബീര്‍ ക്വാളിറ്റി, മുനീര്‍ കുണിയ, സി.പി അബ്ദുല്‍ അസീസ്, സിദ്ദീഖ് മദനി എന്നിവര്‍ ആശംസകള്‍ നേര്‍ന്നു.

കുവൈത്ത് കെഎംസിസി വിദ്യാഭ്യാസ വിങ്ങിന്റെ നേതൃത്വത്തില്‍ കുവൈത്തിലെ സ്‌കൂള്‍ വിദ്യാര്‍ത്ഥികള്‍ക്കായി സംഘടിപ്പിക്കുന്ന 'എജൂറ 2025' സീതി സാഹിബ് മെമ്മോറില്‍ ക്വിസ് മത്സരത്തിന്റെ പോസ്റ്റര്‍ പ്രകാശനം പ്രസിഡന്റ് നാസര്‍ അല്‍ മഷ്ഹൂര്‍ തങ്ങള്‍ നിര്‍വഹിച്ചു. അബ്ദുല്‍ ഹകീം അഹ്‌സനിയുടെ ഖിറാഅതോടെ തുടങ്ങിയ പരിപാടിക്ക് ജനറല്‍ സെക്രട്ടറി മുസ്തഫ കാരി സ്വാഗതവും ഹാരിസ് വള്ളിയോത്ത് നന്ദിയും പറഞ്ഞു. 

 

 

ഭാരവാഹികളായ റഊഫ് മഷ്ഹൂര്‍ തങ്ങള്‍, ഇക്ബാല്‍ മാവിലാടം, ഫാറൂഖ് ഹമദാനി, എം.ആര്‍ നാസര്‍, ഡോക്ടര്‍ മുഹമ്മദലി, സിറാജ് എരഞ്ഞിക്കല്‍, ഗഫൂര്‍ വയനാട്, ഷാഹുല്‍ ബേപ്പൂര്‍, ഫാസില്‍ കൊല്ലം, സലാം പട്ടാമ്പി, സലാം ചെട്ടിപ്പടി ഉപദേശക സമിതി ചെയര്‍മാന്‍ ടി.ടി സലീം, വൈസ് ചെയര്‍മാന്‍ ബഷീര്‍ ബാത്ത അംഗങ്ങള്‍ ആയ സിദ്ദീഖ് വലിയകത്ത്, കെ.ടി.പി അബ്ദുറഹ്മാന്‍, കെ.കെ.പി ഉമ്മര്‍കുട്ടി ഇസ്മായില്‍ ബേവിഞ്ച എന്നിവര്‍ പരിപാടിക്ക് നേതൃത്വം നല്‍കി.

Kuwait KMCC Mega Iftar Meet creates new history with huge participation