കോഴിക്കോട്: സ്കൂൾ വിദ്യാർത്ഥിനിയെ പീഡിപ്പിച്ചതിനും നഗ്നചിത്രങ്ങൾ പ്രചരിപ്പിച്ച കേസിലും 25 കാരനായ ഉമ്മർ ഫിജിൻഷാ എന്ന യുവാവിനെ പന്നിയങ്കര പൊലീസ് അറസ്റ്റ് ചെയ്തു. കണ്ണൂർ പുല്ലൂക്കര സ്വദേശിയാണ് പ്രതി.

2022ൽ, പത്താം ക്ലാസ് വിദ്യാർത്ഥിനിയായ പെൺകുട്ടിയുമായി ഇൻസ്റ്റാഗ്രാമിലൂടെ പരിചയം ഉണ്ടാക്കിയ പ്രതി, പെണ്‍കുട്ടിയെ പ്രലോഭിപ്പിച്ച് സ്കൂളിൽ നിന്നു വിളിച്ചിറക്കി ലോഡ്ജിലേക്ക് കൊണ്ടുപോയി പീഡിപ്പിക്കുകയായിരുന്നു. തുടർന്ന്, നഗ്നചിത്രങ്ങൾ എടുത്ത് ഭീഷണിപ്പെടുത്തി പീഡനം തുടരുകയും ചെയ്തു.

ശേഷം, ഈ ചിത്രങ്ങൾ സമൂഹമാധ്യമങ്ങളിൽ പ്രചരിപ്പിക്കുകയും പെൺകുട്ടിയുടെ പിതാവിനും ബന്ധുക്കൾക്കും അയച്ച് ഭീഷണിപ്പെടുത്തിയതായാണ് പരാതി. പോക്സോ നിയമപ്രകാരം പൊലീസ് പ്രതിയെ അറസ്റ്റ് ചെയ്തത്.