വടകര: മുന്‍ എം.പിയുടെ വികസന ഫണ്ട് ഉപയോഗിച്ച് വടകര ഗവ. ജില്ലാ ആശുപത്രിയില്‍ നിര്‍മാണം പൂര്‍ത്തിയാക്കിയ ആധുനിക മോര്‍ച്ചറി ജില്ലാ പഞ്ചായത്ത് പ്രസിഡന്റ് ബാബു പറശ്ശേരി ഉദ്ഘാടനം ചെയ്തു. ജില്ലാ പഞ്ചായത്ത് ഫണ്ട് ഉപയോഗിച്ചു നിര്‍മിച്ച കോണ്‍ഫറന്‍സ് ഹാള്‍ സി.കെ നാണു എം.എല്‍.എയും ഉദ്ഘാടനം ചെയ്തു. നഗരസഭാ ചെയര്‍മാന്‍ കെ. ശ്രീധരന്‍ അധ്യക്ഷനായി.
ആശുപത്രി സൂപ്രണ്ട് ടി.പി ആമിന, ആര്‍.എം.ഒ ഡോ. പി.കെ ഷിബിന്‍, ലോ സെക്രട്ടറി പി.പി സുരേന്ദ്രന്‍, ജില്ലാ മെഡിക്കല്‍ ഓഫിസര്‍ ഡോ. ആര്‍.എല്‍ സരിത, ജില്ലാ പഞ്ചായത്ത് ആരോഗ്യ വിദ്യാഭ്യാസ സ്ഥിരംസമിതി ചെയര്‍മാന്‍ മുക്കം മുഹമ്മദ്, ജില്ലാ പഞ്ചായത്ത് വൈസ് പ്രസിഡന്റ് റീന മുണ്ടേങ്ങാട്ട്, ജില്ലാ പഞ്ചായത്തംഗങ്ങളായ പി.കെ സജിത, ആര്‍. ബാലറാം, ടി.കെ രാജന്‍, എ.ടി ശ്രീധരന്‍, കൗണ്‍സിലര്‍ അജിത, വിവിധ രാഷ്ട്രീയ നേതാക്കളായ സി. ഭാസ്‌കരന്‍, കെ.പി കരുണന്‍, പുത്തൂര്‍ അസീസ്, സോമന്‍ മുതുവന, പി.പി രാജന്‍, ടി.കെ പ്രഭാകരന്‍, വി.വി ബാബു, കെ.കെ രാഘവന്‍, സി. കുമാരന്‍, പി. സോമശേഖരന്‍, ടി.എച്ച് ശ്രീധരന്‍ സംസാരിച്ചു.