ഫ്ളോറിഡ:  ബഹിരാകാശത്ത് ഏറ്റവും കുടുതല്‍ നടന്ന വനിത സുനിത വില്യംസാണ്. ഒമ്പത് മാസത്തോളം ബഹിരാകാശ നിലയത്തില്‍ കുടുങ്ങിയ സുനിത വില്യംസ് ഏറ്റവും ഒടുവില്‍ ജനുവരി 30ന് 5 മണിക്കൂറും 26 മിനുട്ടും ദൈര്‍ഘ്യമുള്ള ബഹിരാകാശ നടത്തമാണ് കാഴ്ചവച്ചത്. ഇതോടെ ബഹിരാകാശത്ത് ഏറ്റവും കൂടുതല്‍ സമയം നടന്ന വനിതയെന്ന റെക്കോര്‍ഡ് സുനിത വില്യംസിന് സ്വന്തം. ജനുവരി 16ന് സുനിത വില്യംസ് ആറു മണിക്കൂര്‍ ബഹിരാകാശ നടത്തം പൂര്‍ത്തിയാക്കിയിരുന്നു. വിവിധ പരീക്ഷണ-നിരീക്ഷണങ്ങക്കായി ബഹിരാകാശ സഞ്ചാരികള്‍ ബഹിരാകാശ നിലയത്തിന് പുറത്തിറങ്ങുന്നതിന് എക്സ്ട്രാ വെഹിക്കുലാര്‍ ആക്റ്റിവിറ്റി (ഇ.വി.എ) എന്നാണ് വിളിക്കപ്പെടുന്നത്.
1965 മാര്‍ച്ച് 18ന് ആദ്യമായി ബഹിരാകാശത്ത് നടന്നത് സോവിയറ്റ് യൂണിയന്റെ അലക്സി ലിയോനോവാണ്. വോസ്‌കോഡ്-2 പേടകത്തിന് പുറത്തുകടന്ന അലക്സി ലിയോനോവ് 12 മിനുട്ടും ഒമ്പത് സെക്കന്‍ഡുമാണ് ബഹിരാകാശത്ത് നടന്നത്. സോവിയറ്റ് യൂണിയന്റെ ബഹിരാകാശ സഞ്ചാരികളിലൊരാള സ്വെറ്റ്ല്വാന സ്വിറ്റ്സ്‌കയാണ് പേടകത്തിന് പുറത്തിറങ്ങി നടന്ന ആദ്യ വനിത.

ബഹിരാകാശത്ത് കൂടുതല്‍ സമയം നടന്നത് റഷ്യക്കാരാനായ അനറ്റൊലി സൊലോവീവാണ്-റഷ്യന്‍ ഫെഡറല്‍ ഏജന്‍സിയുടെ ദൗത്യത്തില്‍ പങ്കാളിയായ അനറ്റൊലി സൊലോവീവ് 82.22 മണിക്കൂറാണ് ആകെ നടന്നത്. തൊട്ടുപിന്നില്‍ നാസയുടെ മൈക്കിള്‍ ലോപസ് അലഗ്രിയ(67.40 മണിക്കൂര്‍) ആണ്. നാസയുടെ തന്നെ സ്റ്റീഫന്‍ ജി ബോവന്‍ 65.57 മണിക്കൂര്‍, ആന്‍ഡ്ര്യൂ ജെ. ഫ്യൂസ്‌റ്റൈല്‍ 61.48 മണിക്കൂര്‍, ബോബ് ബെന്‍കെന്‍ 61.10 മണിക്കൂര്‍ നടന്നിട്ടുണ്ട്.

അനറ്റൊലി സൊലോവീവ്

ബഹിരാകാശ നടത്തം ഏറെ ദുഷ്‌കരവും സാഹസികവുമാണ്. ബഹാരാകാശ നിലയത്തിലെത്തിയ സഞ്ചാരികള്‍ പേടകത്തിന് പുറത്തിറങ്ങി നടക്കണമെങ്കില്‍ അതിനായി സങ്കീര്‍ണമായ മുന്നൊരുക്കങ്ങള്‍ നടത്തേണ്ടതുണ്ട്. ബഹിരാകാശ നടത്തത്തിന് അനുയോജ്യമായ ശാരീരികാവസ്ഥ, ഓക്സിജന്‍ ക്രമീകരണം, ബഹിരാകാശ മര്‍ദവുമായി ക്രമീകരിക്കല്‍ തുടങ്ങിയ കൃത്യമാക്കിയ ശേഷം മാത്രമെ നടത്തം സാധ്യമാവുകയുള്ളൂ. ബഹിരാകാശ നിലയത്തില്‍ നിന്ന് പുറത്തുകടക്കുന്നതിന് മുമ്പുള്ള ശാരീരിക പരിശോധന പോലെ തിരികെ എത്തിയ ശേഷവും യാത്രികനെ വിശദമായി പരിശോധിക്കും. അതേസമയം, പേടകത്തിനുള്ളില്‍ നിന്നുള്ള നിരീക്ഷണം പോലെ തന്നെ സുപ്രധാനമാണ് പുറത്ത് നടന്നുള്ള പഠനവും.

Sunita Williams Sets Spacewalk Record : NASA astronaut Sunita Williams achieves the record for the longest spacewalk by a woman, completing 5 hours 26 minutes in space. Her milestone highlights the challenges and significance of space exploration. SpaceHistory