അബുദാബി: യുഎഇയില്‍ സ്വകാര്യ മേഖലയ്ക്കും ചെറിയ പെരുന്നാള്‍ അവധി പ്രഖ്യാപിച്ചു. ഈ മാസം 30 മുതല്‍ ഏപ്രില്‍ 1 വരെ ഉള്‍ക്കൊള്ളുന്ന മൂന്ന് ദിവസത്തെ അവധിയാണ് പ്രഖ്യാപിച്ചത്. രാജ്യത്തുടനീളമുള്ള സ്വകാര്യ മേഖലയിലെ എല്ലാ ജീവനക്കാര്‍ക്കും ശമ്പളത്തോടെയുള്ള അവധി ബാധകമായിരിക്കുമെന്ന് യുഎഇ മാനവ വിഭവശേഷി, സ്വദേശിവല്‍ക്കരണ മന്ത്രാലയം അറിയിച്ചു.

അതേസമയം, ചന്ദ്രന്‍ ദൃശ്യമാകാതിരിക്കുകയും റമദാന്‍ 30 ദിവസം പൂര്‍ത്തിയാക്കുകയും ചെയ്താല്‍ ശവ്വാല്‍ ഒന്ന് (ചെറിയ പെരുന്നാള്‍) മാര്‍ച്ച് 31ന് ആയിരിക്കും. ഈ സാഹചര്യത്തില്‍ മാര്‍ച്ച് 31, ഏപ്രില്‍ 1, ഏപ്രില്‍ 2 തീയതികളില്‍ ഈദ് അവധി ദിനങ്ങള്‍ ആചരിക്കും. അങ്ങിനെയാണെങ്കില്‍ യുഎഇക്കാര്‍ക്ക് ശനിയാഴ്ചത്തെ സാധാരണ അവധിയുള്‍പ്പെടെ മൊത്തം അഞ്ച് ദിവസത്തെ ലഭിക്കും.

ദുബൈ ജ്യോതിശാസ്ത്ര വകുപ്പിന്റെ കണക്കുകൂട്ടലുകള്‍ അനുസരിച്ച് ഇക്കുറി റമദാന്‍ 30 ദിവസം പൂര്‍ത്തിയാക്കാനാണ് സാധ്യത. പൊതുമേഖലാ ജീവനക്കാര്‍ക്കുള്ള ചെറിയ പെരുന്നാള്‍ അവധി യുഎഇ നേരത്തെ തന്നെ പ്രഖ്യാപിച്ചിരുന്നു. ഫെഡറല്‍ അതോറിറ്റി ഫോര്‍ ഗവണ്‍മെന്റ് ഹ്യൂമന്‍ റിസോഴ്‌സസിന്റെ (എഫ്എഎച്ച്ആര്‍) സര്‍ക്കുലര്‍ പ്രകാരം പൊതു മേഖല ജീവനക്കാര്‍ക്കുള്ള അവധി ശവ്വാല്‍ 1 മുതല്‍ 3 വരെയായിരിക്കും, അവധിക്ക് ശേഷം ശവ്വാല്‍ 4 ന് ഔദ്യോഗിക പ്രവര്‍ത്തനങ്ങള്‍ പുനരാരംഭിക്കും.

Short Eid holiday has been announced for the private sector in the UAE. The three-day holiday will run from the 30th of this month to April 1. The UAE Ministry of Human Resources and Emiratization announced that the paid leave will apply to all private sector employees across the country.