ദോഹ: ഗള്‍ഫ് മേഖലയില്‍, പ്രത്യേകിച്ച് ഖത്തറിലും യുഎഇയിലും ഇവന്റ് രംഗത്ത് അറിയപ്പെട്ട ഹരി നായര്‍ (50) അന്തരിച്ചു. പാലക്കാട് കല്ലടി സ്വദേശിയാണ്. ഖത്തറില്‍ ചികിത്സയിലിരിക്കെ ഇന്നലെ രാത്രിയായിരുന്നു മരണം. അസുഖബാധിതനായി ഏതാനും ദിവസം മുമ്പാണ് ദോഹയിലെ ഹമദ് മെഡിക്കല്‍ കോര്‍പ്പറേഷന്‍ ആശുപത്രിയില്‍ പ്രവേശിപ്പിച്ചത്. 

2022ലെ ഖത്തര്‍ ഫിഫ ലോകകപ്പ് ഫുട്ബാളിന്റെ വിവിധ ഫാന്‍ ഷോകള്‍, എ.ആര്‍ റഹ്മാന്‍, ബ്രയാന്‍ ആഡംസ് എന്നിവര്‍ ഉള്‍പ്പെടെ വമ്പന്‍ സംഗീത പരിപാടികള്‍ തുടങ്ങിയവയിലൂടെ ഓഡിയോ വിഷ്വല്‍ പ്രൊഡക്ഷനുകള്‍ക്ക് നേതൃത്വം നല്‍കിയിട്ടുണ്ട്. ഫിഫ ലോകകപ്പ് ഫാന്‍ സോണ്‍ ഉള്‍പ്പെടെ ശ്രദ്ധേയമായ പ്രൊഡക്ഷന്‍ പ്രവര്‍ത്തനങ്ങളിലും സജീവമായി. നേരത്തെ ദുബൈ ആസ്ഥാനമായ മീഡിയ പ്രോ ഇന്റര്‍നാഷനലില്‍ പ്രവര്‍ത്തിച്ചിരുന്ന ഹരി നായര്‍, നിലവില്‍ ഖത്തറിലെ ക്ലാര്‍ക്ക് എ.വി.എല്‍ മാനേജിങ് പാര്‍ട്ണറായി പ്രവര്‍ത്തിച്ചുവരികയായിരുന്നു. 

നടപടികള്‍ പൂര്‍ത്തിയാക്കിയ ശേഷം മൃതദേഹം നാട്ടിലെത്തിക്കുമെന്ന് ബന്ധുക്കള്‍ അറിയിച്ചു.

Hari Nair (50), who was known in the event industry in the Gulf region has passed away. He was a native of Kalladi, Palakkad. He died last night while undergoing treatment in Qatar. He was admitted to Hamad Medical Corporation Hospital in Doha a few days ago after falling ill.