കൊൽക്കത്ത: ഐപിഎൽ പതിനെട്ടാം സീസണിലെ ആദ്യ മത്സരത്തിൽ നിലവിലെ ചാമ്പ്യന്മാരായ കൊൽക്കത്ത നൈറ്റ് റൈഡേഴ്സും റോയൽ ചലഞ്ചേഴ്‌സ് ബാംഗ്ലൂരും തമ്മിലുള്ള മത്സരം നടക്കുകയാണ്. കൊൽക്കത്തയുടെ ഹോം ഗ്രൗണ്ടായ ഈഡൻ ഗാർഡനിൽ നടക്കുന്ന മത്സരത്തിൽ ടോസ് നേടിയ ആർസിബി ബൗളിംഗ് തെരഞ്ഞെടുക്കുകയായിരുന്നു. ആദ്യം ബാറ്റ് ചെയ്ത കൊൽക്കത്ത 20 ഓവറിൽ എട്ട് വിക്കറ്റ് നഷ്ടത്തിൽ ൧൭൪ റൺസാണ് നേടിയത്. 

മത്സരത്തിൽ ബാംഗ്ലൂരിന്റെ വിക്കറ്റിന് പിന്നിൽ തകർപ്പൻ പ്രകടനങ്ങളാണ് ജിതേഷ് ശർമ്മ നടത്തിയത്. നാല് ഡിസ്മിസലുകളാണ് ജിതേഷ് ശർമ മത്സരത്തിൽ നടത്തിയത്. നാല് ക്യാച്ചുകളാണ് താരം നേടിയത്. ഇതോടെ ഐപിഎല്ലിൽ കൊൽക്കത്ത നൈറ്റ് റൈഡേഴ്സിനെതിര നാല് ഡിസ്മിസലുകൾ നടത്തുന്ന മൂന്നാമത്തെ വിക്കറ്റ് കീപ്പറായി മാറാനും ജിതേഷിന് സാധിച്ചു. എംഎസ് ധോണിയും, വൃദിമാൻ സാഹയും മാത്രമാണ് കൊൽക്കത്തക്കെതിരെ ഇതിന് മുമ്പ് നാല് ഡിസ്മിസലുകൾ നടത്തിയ വിക്കറ്റ് കീപ്പർമാർ. ധോണി 2020ലും സാഹ 2022ലുമാണ്‌ നാല് ഡിസ്മിസലുകൾ നടത്തിയിട്ടുള്ളത്. 

ആദ്യം ബാറ്റ് ചെയ്ത കൊൽക്കത്തയ്ക്കായി ക്യാപ്റ്റൻ അജിങ്ക്യ രഹാനെ അർദ്ധ സെഞ്ച്വറി നേടി മികച്ച പ്രകടനമാണ് നടത്തിയത്. ആറ് ഫോറുകളും നാല് സിക്സുകളും ഉൾപ്പെടെ 31 പന്തിൽ 56 റൺസ് ആണ് രഹാനെ നേടിയത്. സുനിൽ നരെയ്ൻ 26 പന്തിൽ 44 റൺസും നേടി. അഞ്ച് ഫോറുകളും മൂന്ന് സിക്സുകളും അടങ്ങുന്നതായിരുന്നു താരത്തിന്റെ ഇന്നിംഗ്സ്. അൻക്രിഷ് രഖുവംശി 22 പന്തിൽ 30 റൺസും നേടി നിർണായകമായി. 

ആർസിബിയുടെ ബൗളിങ്ങിൽ കൃണാൽ പാണ്ഡ്യ മൂന്നു വിക്കറ്റുകളും ജോഷ് ഹേസൽവുഡ് രണ്ട് വിക്കറ്റുകളും നേടി തിളങ്ങി. യാഷ് ദയാൽ, റാഷിഖ് സലാം, സായുഷ് ശർമ്മ എന്നിവർ ഓരോ വീതം വിക്കറ്റുകളും നേടി.

റോയൽ ചലഞ്ചേഴ്‌സ് ബാംഗ്ലൂർ പ്ലെയിംഗ് ഇലവൻ

വിരാട് കോഹ്‌ലി, ഫിൽ സാൾട്ട്(വിക്കറ്റ് കീപ്പർ), രജത് പതിദാർ(ക്യാപ്റ്റൻ), ലിയാം ലിവിംഗ്‌സ്റ്റൺ, ജിതേഷ് ശർമ്മ, ടിം ഡേവിഡ്, ക്രുനാൽ പാണ്ഡ്യ, റാസിഖ് ദാർ സലാം, സുയാഷ് ശർമ്മ, ജോഷ് ഹാസിൽവുഡ്, യാഷ് ദയാൽ.

കൊൽക്കത്ത നൈറ്റ് റൈഡേഴ്‌സ് പ്ലെയിംഗ് ഇലവൻ

ക്വിൻ്റൺ ഡി കോക്ക്(വിക്കറ്റ് കീപ്പർ), വെങ്കിടേഷ് അയ്യർ, അജിങ്ക്യ രഹാനെ(ക്യാപ്റ്റൻ), റിങ്കു സിംഗ്, അങ്ക്‌കൃഷ് രഘുവംശി, സുനിൽ നരെയ്ൻ, ആന്ദ്രെ റസൽ, രമൺദീപ് സിംഗ്, സ്പെൻസർ ജോൺസൺ, ഹർഷിത് റാണ, വരുൺ ചക്രവർത്തി.

Jithesh Sharma great wicket keeping record against Kolkata knight riders in ipl