തിരുവനന്തപുരം: ഏകീകൃത തദ്ദേശ സ്വയംഭരണ വകുപ്പിന്റെ പുതിയ പ്രസിദ്ധീകരണമായ തദ്ദേശകം മാസികയ്ക്കായി ഉള്ളടക്കങ്ങൾ തയ്യാറാക്കുന്നതിനായി കരാറടിസ്ഥാനത്തിൽ എല്ലാ ജില്ലകളിലും കണ്ടെന്റ് ക്രിയേറ്റേഴ്സിനെ താത്കാലികമായി നിയമിക്കുന്നു.

ജേർണലിസത്തിൽ ബിരുദമോ ബിരുദാനന്തര ബിരുദമോ അല്ലെങ്കിൽ ഏതെങ്കിലും വിഷയത്തിൽ ബിരുദവും ജേർണലിസത്തിൽ ബിരുദാനന്തര ഡിപ്ലോമയുമുള്ളവർക്ക് അപേക്ഷിക്കാം. പ്രവൃത്തി പരിചയമുള്ളവർക്ക് മുൻഗണന ലഭിക്കും.

പ്രവർത്തന പരിധിയിൽ, തദ്ദേശ സ്ഥാപനങ്ങളിൽ നിന്നുള്ള വാർത്തകൾ, മാതൃകാപരമായ പദ്ധതികൾ എന്നിവ ശേഖരിച്ച് നിശ്ചിത സമയത്തിനകം ലേഖനങ്ങൾ തയ്യാറാക്കലും സമർപ്പിക്കലും ഉൾപ്പെടും. നിയമനം എഴുത്ത് പരീക്ഷയുടെയും അഭിമുഖത്തിന്റെയും അടിസ്ഥാനത്തിലായിരിക്കും.

പ്രസിദ്ധീകരിക്കപ്പെടുന്ന ഓരോ ലേഖനത്തിനും 1,000 പ്രതിഫലം ലഭിക്കും.

അപേക്ഷകൾ ചീഫ് ഓഫീസർ, കമ്മ്യൂണിക്കേഷൻ ആൻഡ് പബ്ലിക് റിലേഷൻസ്, തദ്ദേശ സ്വയംഭരണ വകുപ്പ്, സ്വരാജ് ഭവൻ, നന്ദൻകോട് പി.ഒ, തിരുവനന്തപുരം 695003 എന്ന വിലാസത്തിൽ 2025 മാർച്ച് 31 നകം അയയ്ക്കേണ്ടതാണ്.

The Local Self-Government Department is hiring content creators on a temporary contract basis for its new publication, Thadhasakam magazine. Applicants with a degree or postgraduate degree in journalism, or a degree in any subject with a postgraduate diploma in journalism, can apply. Preference will be given to experienced candidates.