ചെന്നൈ: ചെന്നൈ സൂപ്പര്‍ കിംഗ്ലിനെതിരായ മത്സരത്തില്‍ മുംബൈ ഇന്ത്യന്‍സിന് അടിപതറുന്നു. നാലാം പന്തില്‍ തന്നെ രോഹിത് ശര്‍മ്മയെ ഗാലറിയിലേക്ക് മടക്കി കൊണ്ട് ഖലീല്‍ അഹമ്മദാണ് മുംബൈയുടെ തകര്‍ച്ചക്ക് തുടക്കം കുറിച്ചത്. റയാന്‍ റിക്കിള്‍ട്ടണും വില്‍ ജാക്ക്‌സും പിടിച്ചുനില്‍ക്കാന്‍ ശ്രമിച്ചെങ്കിലും ഇരുവരെയും യഥാക്രമം ഖലീല്‍ അഹമ്മദും ആര്‍ അശ്വിനും പുറത്താക്കി. വിക്കറ്റ് കീപ്പര്‍ ബാറ്റ്‌സ്മാനായ റയാന്‍ റിക്കിള്‍ട്ടണെ ഖലീല്‍ അഹമ്മദ് വിക്കറ്റിനു മുന്നില്‍ കുരുക്കുകയായിരുന്നു.

പതിയെ ശ്രദ്ധിച്ചു കളിച്ച സൂര്യ കുമാര്‍ യാദവിനെ നൂര്‍ അഹമ്മദിന്റെ പന്തില്‍ ചെന്നൈയുടെ തല സ്റ്റംപ് ചെയ്തു പുറത്താക്കി. 26 പന്തില്‍ 29 റണ്‍സുമായാണ് യാദവ് പുറത്തായത്. 2 ഫോറും ഒരു സിക്‌സും സഹിതമാണ് സൂര്യ 29 റണ്‍സ് നേടിയത്. സൂര്യയെക്കൂടാതെ മുംബൈയുടെ വെടിക്കെട്ട് ബാറ്റ്‌സ്മാനായ തിലക് വര്‍മ്മയേയും റോബിന്‍ മിന്‍സിനേയും പുറത്താക്കിയത് യുവ അഫ്ഗാന്‍ ബോളറായ നൂര്‍ അഹമ്മദായിരുന്നു.  

അഫ്ഗാനിസ്ഥാന്റെ യുവ സ്പിന്‍ ബോളറാണ് നൂര്‍ അഹമ്മദ്. 2023ല്‍ ഗുജറാത്ത് ടൈറ്റന്‍സിനു വേണ്ടി കളിക്കളത്തില്‍ ഇറങ്ങിയ നൂര്‍ അഹമ്മദ് 2025ല്‍ ചെന്നൈക്ക് വേണ്ടിയാണ് കളിക്കുന്നത്. പത്തുകോടി രൂപക്കാണ് നൂര്‍ അഹമ്മദിനെ ചെന്നൈ സൂപ്പര്‍ കിംഗ്‌സ് ലേലത്തില്‍ വിളിച്ചെടുത്തത്.

Noor Ahmed delivers a game-changing performance, breaking the middle order of Mumbai Indians and leaving a significant impact on the match's outcome