ദോഹ: ഖത്തറിൽ കരയിലും കടലിലും ശക്തമായ കാറ്റിനും അത് മൂലം വാഹനമോടിക്കുന്നവർക്ക് ദൃശ്യ സാധ്യത കുറയാനും സാധ്യതയുണ്ടെന്ന് കാലാവസ്ഥ വകുപ്പ് മുന്നറിയിപ്പ് നൽകി. കടലിൽ ശക്തമായ കാറ്റിനും ഉയർന്ന തിരമാലകൾക്കും സാധ്യതയുണ്ടെന്നും കാലാവസ്ഥാ വകുപ്പ് അറിയിച്ചു

ഇന്ന് രാത്രി, നാളെ (ചൊവ്വാഴ്ച) രാവിലെ 6:00 മണി വരെ തീരത്ത് ചില പ്രദേശങ്ങളിൽ  പൊടിക്കാറ്റും പൊടി മൂടിക്കെട്ടിയ നിലയിൽ കാഴ്ച മങ്ങുന്ന വിധത്തിലുള്ള കാലാവസ്ഥയും  രാത്രിയിൽ താരതമ്യേന തണുപ്പും ഉണ്ടാകുമെന്നും കാലാവസ്ഥാ നിരീക്ഷണ കേന്ദ്രം പ്രവചിക്കുന്നു. 

കടലിൽ,പൊടിപടലത്തോടൊപ്പമുള്ള കാറ്റും ഉണ്ടാക്കാനിടയുണ്ട്. തീരത്ത് വടക്ക് പടിഞ്ഞാറ് ദിശയിൽ നിന്ന് 15 മുതൽ 25  വരെ നോട്ടിക്കൽ വേഗതയിൽ കാറ്റ് വീശും, ഇത് ചില സമയങ്ങളിൽ മണിക്കൂറിൽ 35 നോട്ടിക്കൽ മൈൽ വരെയാകാനും സാധ്യതയുണ്ട്. കടലിൽ മണിക്കൂറിൽ 20 മുതൽ 28 നോട്ടിക്കൽ മൈൽ വരെയും  വടക്ക് പടിഞ്ഞാറ് ദിശയിൽ നിന്ന് ചില സമയങ്ങളിൽ മണിക്കൂറിൽ 40 നോട്ടിക്കൽ മൈൽ വരെയും വേഗതയിൽ കാറ്റ് വീശുമെന്നാണ് അറിയിപ്പ്.

തീരത്ത്  ദൃശ്യപരത നാലു മുതൽ എട്ടു കിലോമീറ്റർ വരെയും, ചില പ്രദേശങ്ങളിൽ ചില സമയങ്ങളിൽ രണ്ടു കിലോമീറ്ററോ അതിൽ കുറവോ ആയി കുറയാനും സാധ്യതയുണ്ടെന്നും കടലിൽ ഇത് നാലു മുതൽ എട്ട് കിലോമീറ്റർ വരെയായായിരിക്കുമെന്നും അറിയിപ്പുണ്ട്.

ദോഹയിൽ പ്രതീക്ഷിക്കുന്ന ഏറ്റവും കുറഞ്ഞ താപനില 17 ഡിഗ്രി സെൽഷ്യസായിരിക്കുമെന്നും തീരത്ത് തിരമാലകളുടെ ഉയരം 3 മുതൽ 5 അടി വരെയും കടലിൽ അവ 4 മുതൽ 10 അടി വരെ ഉയരാനും, ചിലപ്പോൾ14 അടി വരെ ഉയരത്തിൽ തിരമാലകൾ ഉണ്ടാകാനും സാധ്യതയുണ്ടെന്നും കാലാവസ്ഥ മുന്നറിയിപ്പിൽ പറയുന്നു.

Qatar is expected to experience strong winds and a dust storm both on land and at sea. Visibility is expected to be reduced due to the dusty conditions, affecting travel and outdoor activities.