എഞ്ചിനീയറിങ് ബിരുദപഠനത്തിനായുള്ള പ്രവേശന പരീക്ഷയായ ജെ.ഇ.ഇ മെയിന്‍ 2024 രണ്ടാം സെഷന്റെ പരീക്ഷതീയതിയും എഴുതേണ്ട നഗരങ്ങളും ദേശീയ ടെസ്റ്റിങ് ഏജന്‍സി (എന്‍.ടി.എ) പ്രഖ്യാപിച്ചു. 

ഏപ്രില്‍ നാല്, അഞ്ച്, ആറ്, എട്ട്, ഒമ്പത് തീയതികളില്‍ രാവിലെയും ഉച്ചക്ക് ശേഷവും രണ്ട് ഷിഫ്റ്റുകളായാണ് ബി.ഇ/ ബി.ടെക് പ്രവേശനത്തിനുള്ള പേപ്പര്‍ ഒന്ന് പരീക്ഷ നടക്കുക. ബി.ആര്‍ക്, ബി.പ്ലാനിങ് പ്രവേശനത്തിനുള്ള പേപ്പര്‍ 2 എ പരീക്ഷ ഏപ്രില്‍ 12ന് രാവിലെ നടക്കും. പരീക്ഷ സെന്ററുകള്‍ ഹാള്‍ ടിക്കറ്റില്‍ രേഖപ്പെടുത്തും. 

ഏത് നഗരത്തിലാണ് പരീക്ഷ കേന്ദ്രമെന്ന വിവരം https://jeemain.nta.ac.in/ എന്ന സൈറ്റില്‍ നിന്നും ലഭിക്കും. അപേക്ഷകര്‍ക്ക് അപേക്ഷ നമ്പറും ജനനതീയതിയും ഉപയോഗിച്ച് ലോഗിന്‍ ചെയ്ത് പരീക്ഷ നഗരവും മറ്റ് നിര്‍ദേശങ്ങളും അറിയാം. പരീക്ഷക്കുള്ള അഡ്മിറ്റ് കാര്‍ഡ് പിന്നീട് ലഭിക്കും. 

സംശയനിവാരണത്തിന് 011-40759000 എന്ന നമ്പറിലോ [email protected] എന്ന മെയില്‍ ഐഡിയിലോ ബന്ധപ്പെടാം.

വിദ്യാഭ്യാസ വാര്‍ത്തകള്‍ വാട്‌സ്ആപ്പില്‍ ലഭിക്കാന്‍ ഇവിടെ ക്ലിക് ചെയ്യുക