വണ്ടൂര്‍:പോരൂര്‍ പഞ്ചായത്തിന്റേയും കൃഷിഭവന്റേയും നേതൃത്വത്തില്‍ നടത്തിയ സംഘപച്ചക്കറി കൃഷിയുടെ വിളവെടുപ്പ് ബ്ലോക്ക് പഞ്ചായത്ത് പ്രസിഡന്റ് കെ.ടി ജുവൈരിയ്യ ഉദ്ഘാടനം ചെയ്തു.
പൂത്രക്കോവ് വെള്ളക്കാട്ടുമന ദിനേശന്‍ ഭട്ടത്തിരിപ്പാടിന്റെ പന്ത്രണ്ടേക്കര്‍ സ്ഥലത്താണ് ഹരിതം ക്ലസ്റ്ററിലെ പ്രവര്‍ത്തകര്‍ കൃഷിയിറക്കിയിരുന്നത്. മത്തന്‍,വെണ്ട,പയര്‍,മുളക്,വഴുതന,വെള്ളരി എന്നിവയാണ് കൃഷി ചെയ്തിരുന്നത്.
പഞ്ചായത്ത് പ്രസിഡന്റ് എന്‍.എസ് അര്‍ച്ചന,കണ്ണിയന്‍ അബ്ദുള്‍ കരീം,കെ.മുജീബ്‌റഹ്മാന്‍,കെ.നളിനി,കൃഷി ഓഫീസര്‍ ഹംസകുരിക്കള്‍,കുഞ്ഞാലികുട്ടി,പടുപ്പങ്ങല്‍ അബ്ദുല്ല,വി.പി അബ്ദുറഹ്മാന്‍,എ.അബ്ദുല്ലക്കോയ തങ്ങള്‍ എന്നിവര്‍ നേതൃത്വം നല്‍കി.