പാലക്കാട്: ഒറ്റപ്പാലത്ത് നിന്ന് കാണാതായ അമ്മയെയും രണ്ട് കുട്ടികളെയും തൃപ്പൂണിത്തുറയില്‍ നിന്ന് കണ്ടെത്തി. ഇന്ന് രാത്രിയോടെയാണ് മൂവരെയും സുരക്ഷിതമായി കണ്ടെത്തിയത്. ഇന്നലെ മുതലാണ് ഒറ്റപ്പാലം തോട്ടക്കര സ്വദശിയുടെ ഭാര്യയെയും രണ്ട് മക്കളെയും കാണാതായത്.

തുടര്‍ന്ന് കുടുംബാംഗങ്ങളും പൊലിസും നടത്തിയ അന്വേഷണത്തിനിടെയാണ് മൂവരെയും കണ്ടെത്തിയത്. ഇവരെ കാണാതായതുമായി ബന്ധപ്പെട്ട് കുടുംബാംഗങ്ങള്‍ പൊലിസില്‍ പരാതി നല്‍കിയിരുന്നു. മൂവരും സുരക്ഷിതരാണെന്ന് ഒറ്റപ്പാലം പൊലിസ് അറിയിച്ചു. ചൊവ്വാഴ്ച ഭര്‍ത്താവിന്റെ പട്ടാമ്പിയിലെ വീട്ടിലേക്ക് പോയ അമ്മയും കുട്ടികളും ലക്ഷ്യസ്ഥാനത്ത് എത്തിയില്ലെന്ന് മനസ്സിലാക്കിയപ്പോഴാണ് കുടുംബാംഗങ്ങള്‍ അന്വേഷണം ആരംഭിച്ചത്.

A mother and her two children, who went missing near the Ottapalam bridge in Palakkad, have been safely located. Police confirmed that all three are unharmed. Further details are awaited.