തിരുവനന്തപുരം: കേരളത്തിലെ വിദ്യാർത്ഥികൾക്ക് ഗുണമേന്മയും വിലക്കുറവും ഉൾക്കൊള്ളുന്ന പഠനോപകരണങ്ങൾ സ്കൂൾ സഹകരണ സംഘങ്ങളിലൂടെ വിതരണം ചെയ്യുന്നതിനെക്കുറിച്ച് സർക്കാർ ആലോചിക്കുന്നതായി പൊതുവിദ്യാഭ്യാസ വകുപ്പ് മന്ത്രി വി ശിവൻകുട്ടി അറിയിച്ചു.

2025-26 അധ്യയനവർഷത്തേയ്ക്ക് സംസ്ഥാനത്തെ 3299 സ്‌കൂൾ സഹകരണ സംഘങ്ങളെയാണ് പാഠപുസ്തക വിതരണത്തിന് ഇൻ്റന്റ് ചെയ്തിട്ടുള്ളത്. ഇതേ സംഘടനകളിലൂടെയാണ് ഇനി പഠനോപകരണങ്ങളും വിതരണം ചെയ്യാൻ ഉദ്ദേശിക്കുന്നത്. വിദ്യാർത്ഥികൾക്ക് ആവശ്യമായ എല്ലാ പഠനോപകരണങ്ങളും വളരെ മിതമായ നിരക്കിൽ ലഭ്യമാക്കുക എന്നതാണ് പദ്ധതിയുടെ പ്രധാന ലക്ഷ്യം.

ജില്ലാതലത്തിൽ ഇന്റന്റ് ചെയ്ത സൊസൈറ്റികളുടെ എണ്ണം:

• തിരുവനന്തപുരം – 268
• കൊല്ലം – 292
• പത്തനംതിട്ട – 123
• ആലപ്പുഴ – 261
• കോട്ടയം – 251
• ഇടുക്കി – 130
• എറണാകുളം – 343
• തൃശൂർ – 221
• പാലക്കാട് – 235
• മലപ്പുറം – 321
• കോഴിക്കോട് – 334
• വയനാട് – 68
• കണ്ണൂർ – 315
• കാസർഗോഡ് – 137

പദ്ധതിയുടെ പശ്ചാത്തലത്തിൽ മന്ത്രി വി ശിവൻകുട്ടിയുടെ നേതൃത്വത്തിൽ അവലോകനയോഗം ഇന്ന് തിരുവനന്തപുരത്ത് ചേർന്നു. പൊതുവിദ്യാഭ്യാസ ഡയറക്ടർ ഷാനവാസ് എസ്.ഐ.എ.എസ് അടക്കം വിവിധ വിഭാഗത്തിലെ മുതിർന്ന ഉദ്യോഗസ്ഥർ യോഗത്തിൽ പങ്കെടുത്തു.

Kerala Education Minister V Sivankutty stated that the government is considering distributing quality learning materials at reduced prices through school cooperative societies. For the 2025–26 academic year, textbooks will be supplied through 3,299 such societies across districts. The plan aims to make all necessary study materials accessible to students at affordable rates. An official review meeting was held today with senior education department officials.