മലപ്പുറം: നിലമ്പൂര്‍ ഉപതെരഞ്ഞെടുപ്പില്‍ യുഡിഎഫ് പി.വി. അന്‍വറിന്റെ പിന്തുണ ആവശ്യപ്പെട്ടിട്ടുണ്ടെന്ന് പ്രതിപക്ഷ നേതാവ് വി.ഡി. സതീശന്‍. അന്‍വര്‍ പ്രഖ്യാപിച്ച പിന്തുണ യുഡിഎഫ് സ്വീകരിച്ചിട്ടുണ്ടെന്നും അന്‍വര്‍ യുഡിഎഫിനൊപ്പം ഉണ്ടാകുമെന്നും പ്രതിപക്ഷ നേതാവ് പറഞ്ഞു. 

സിപിഎം പാലക്കാട്ടെ തോല്‍വിയില്‍ നിന്ന് പാഠം പഠിച്ചിട്ടില്ലെന്ന് വിമര്‍ശിച്ച സതീശന്‍ വിദ്വേഷപ്രസംഗം നടത്തുന്നത് ആരായാലും യുഡിഎഫ് അതിനെ എതിര്‍ക്കുമെന്നും പറഞ്ഞു. മലപ്പുറത്തെക്കുറിച്ച് വെള്ളാപ്പള്ളി നടേശന്‍ നടത്തിയ വിവാദപ്രസ്താവന ആലപ്പുഴയില്‍ എത്തിയപ്പോള്‍ മുഖ്യമന്ത്രി അനുകൂലിക്കുകയാണ് ചെയ്തതെന്ന് പ്രതിപക്ഷനേതാവ് ആരോപിച്ചു. അമിത് ഷായും മുഖ്യമന്ത്രിയും തമ്മില്‍ എന്ത് വ്യത്യാസമാണുള്ളതെന്നും വിഡി സതീശന്‍ ചോദിച്ചു.

Opposition leader VD Satheesan stated that the UDF has sought PV Anwar's support for the Nilambur by-election. He criticized CPM for not learning from its Palakkad defeat and reiterated UDF's stance against hate speech. Satheesan also accused CM Pinarayi Vijayan of endorsing Velappally Natesan's controversial remarks on Malappuram.