മലപ്പുറം: ലഹരിവിരുദ്ധ പോരാട്ടത്തിന് നന്മയുടെ സന്ദേശം പകർന്ന് സുപ്രഭാതം ദിനപത്രം നടത്തിയ ലഹരിവിരുദ്ധ യാത്രയ്ക്ക് തിരൂരിൽ സമാപനം. വയനാട് സുൽത്താൻ ബത്തേരിയിൽ നിന്ന് കഴിഞ്ഞ ഏഴിന് പ്രയാണം തുടങ്ങിയ യാത്ര വയനാട്, കോഴിക്കോട്, മലപ്പുറം ജില്ലകളിലെ 20 കേന്ദ്രങ്ങളിൽ പര്യടനം പൂർത്തിയാക്കി ഭാഷാപിതാവിൻ്റെ മണ്ണിൽ ആദ്യഘട്ടം സമാപിച്ചു.
യാത്രാക്യാപ്റ്റൻ സുപ്രഭാതം സി.ഇ.ഒ മുസ്തഫ മുണ്ടുപാറയെ തലപ്പാവ് അണിയിച്ച് തിരൂരിലേക്ക് സ്വീകരിച്ചു. അവസാന ദിനമായ ഇന്നലെ രാവിലെ കോട്ടക്കലിൽ നിന്നാണ് യാത്ര തുടങ്ങിയത്. നഗരസഭാ വൈസ് ചെയർമാൻ സി.മുഹമ്മദലി, മഞ്ചേരി എക്സൈസ് സർക്കിൾ ഇൻസ്പെക്ടർ ഇ.ജിനീഷ്, മുസ്‌ലിം ലീഗ് പ്രതിനിധി കെ.കെ അബ്ദുന്നാസർ, സി.പി.എം ലോക്കൽ കമ്മിറ്റി അംഗം ടി.ഷംസു, കോൺഗ്രസ് മണ്ഡലം പ്രസിഡൻ്റ് സേതുമാധവൻ ചർച്ചയിൽ പങ്കെടുത്തു.

വളാഞ്ചേരിയിൽ നഗരസഭാ ചെയർമാൻ അഷ്റഫ് അമ്പലത്തിങ്ങൽ ഉദ്ഘാടനം ചെയ്തു. മുസ്‌ലിം ലീഗ് ജില്ലാ സെക്രട്ടറി കെ.എം അബ്ദുൽ ഗഫൂർ, വളാഞ്ചേരി എസ്.ഐമാരായ ഉണ്ണികൃഷ്ണൻ, സന്തോഷ് കുമാർ ചർച്ചയിൽ പങ്കെടുത്തു. ആറു ദിവസത്തെ യാത്രയുടെ സമാപന സംഗമം തിരൂരിൽ കുറുക്കോളി മൊയ്തീൻ എം.എൽ.എ ഉദ്ഘാടനം ചെയ്തു. സുൽത്താൻ ബത്തേരി, മാനന്തവാടി, കൽപ്പറ്റ, അടിവാരം, ഈങ്ങാപ്പുഴ, താമരശ്ശേരി, കൊടുവള്ളി, കുന്ദമംഗലം, കോഴിക്കോട് ബീച്ച്, മുക്കം, പന്നിക്കോട്, അരീക്കോട്, എടവണ്ണപ്പാറ, കൊണ്ടോട്ടി, മഞ്ചേരി, മലപ്പുറം, കോട്ടക്കൽ, വളാഞ്ചേരി, തിരൂർ എന്നിവിടങ്ങളിൽ സാമൂഹ്യതിന്മക്കെതിരെ ബോധവൽകരണത്തിൻ്റെ പുതിയ മാതൃക തീർത്താണ് ഒന്നാംഘട്ട യാത്ര സമാപിച്ചത്.

The anti-drug campaign, aimed at spreading awareness about the ill effects of substance abuse, has concluded on a successful note. The initiative promoted a message of goodness and social responsibility, encouraging individuals to work together against social evils