റിയാദ്: പുണ്യനഗരമായ മക്കയിലെ ഹോട്ടലുകളിൽ താമസിക്കുന്നതിന് താൽക്കാലിക നിയന്ത്രണം. ഹജ്ജ് സീസൺ മുന്നിൽക്കണ്ടാണ് നിയന്ത്രണം.  തീർത്ഥാടന സീസണിൽ ഹജ്ജ് പെർമിറ്റോ മക്ക എൻട്രി പെർമിറ്റോ കൈവശം വയ്ക്കാത്ത അതിഥികളെ സ്വീകരിക്കുന്നതിൽ നിന്ന് മക്കയിലെ ഹോട്ടലുകൾക്ക് അധികൃതർ വിലക്ക് ഏർപ്പെടുത്തി. ഏപ്രിൽ 29 മുതൽ  നിയന്ത്രണം പ്രാബല്യത്തിൽ വരുമെന്ന്  സൗദി ടൂറിസം മന്ത്രാലയം മക്കയിലെ എല്ലാ വിധ താമസ സൗകര്യങ്ങൾക്കും അടിയന്തര സർക്കുലർ അയച്ചു. തീരുമാനം തീർത്ഥാടകരുടെ സുരക്ഷയ്ക്കും സൗകര്യത്തിനും വേണ്ടിയുള്ള ആശങ്കകളെ അടിസ്ഥാനമാക്കിയുള്ളതാണെന്നും രാജ്യത്തെ ബന്ധപ്പെട്ട അധികാരികൾ പുറപ്പെടുവിച്ച നിർദ്ദേശങ്ങൾ പാലിക്കുന്നുണ്ടെന്നും മന്ത്രാലയം പറഞ്ഞതായി സഊദി മാധ്യമങ്ങൾ റിപോർട്ട് ചെയ്തു. സർക്കുലറും അതിലെ വ്യവസ്ഥകളും പാലിക്കുന്നതിൽ പരാജയപ്പെടുന്നത് ടൂറിസം നിയമത്തിനും അതിന്റെ ചട്ടങ്ങൾക്കും അനുസൃതമായി നിയമലംഘകർക്കെതിരെ കർശന നടപടി എടുക്കുമെന്ന് മന്ത്രാലയം മുന്നറിയിപ്പ് നൽകി

ഹജ്ജ് സീസൺ പ്രമാണിച്ച് രാജ്യത്ത് വിവിധ നിയന്ത്രണങ്ങൾ നടപ്പാക്കി വരികയാണ്. മക്കയിൽ കഴിയുന്ന വിദേശികൾ രാജ്യം വിടുന്നതിനുള്ള അവസാന ദിവസമായി സൗദി അറേബ്യ ഏപ്രിൽ 29 എന്ന സമയപരിധി ഇതിനകം നിശ്ചയിച്ചിട്ടുണ്ട്. ഈ വർഷത്തെ ഹജ്ജ് സീസൺ ജൂൺ ആദ്യവാരം മുതലാണ് തുടങ്ങുക. 

Hajj 2025: Permit mandatory for guests at  hotels in Makkah