രണ്ട് പതിറ്റാണ്ടുകളായി ഫുട്ബോൾ ലോകത്ത് ശക്തമായ ആധിപത്യം പുലർത്തുന്ന ഇതിഹാസതാരങ്ങളാണ് ലയണൽ മെസിയും ക്രിസ്റ്റ്യാനോ റൊണാൾഡോയും. ഇവരിൽ ആരാണ് ഏറ്റവും മികച്ച താരം എന്നുള്ളത് എല്ലാക്കാലത്തും സജീവമായി നിലനിൽക്കുന്ന ചർച്ചാവിഷയമാണ്.

ഇപ്പോൾ ഫുട്ബോളിലെ ഏറ്റവും മികച്ച താരം ആരാണെന്ന് പറയുകയാണ് ഫ്രഞ്ച് താരം അഡ്രിയൻ റാബിയോട്ട്. മെസിയെയും റൊണാൾഡോയെയും മറികടന്ന് ലിവർപൂൾ ഇതിഹാസം സ്റ്റീവൻ ജെറാഡിനെയാണ് ഫ്രഞ്ച് താരം മികച്ച താരമായി തെരഞ്ഞെടുത്തത്. ഡെയ്‌ലി മിററിന് നൽകിയ അഭിമുഖത്തിൽ സംസാരിക്കുകയായിരുന്നു റാബിയോട്ട്.  

''എനിക്ക് ചെറുപ്പം മുതൽ വളരെ ഇഷ്ടപ്പെട്ട താരം സ്റ്റീവൻ ജെറാർഡ് ആയിരുന്നു. അദ്ദേഹം തന്റെ കരിയറിൽ മുഴുവൻ സമയവും ലിവര്പൂളിനായി കളിച്ചു. പ്രീമിയർ ലീഗിൽ ലിവർപൂളിന്റെ ഒരു ഐക്കോണിക് താരമായിരുന്നു അദ്ദേഹം. ആക്രമിക്കാനും പ്രതിരോധിക്കാനും അവിശ്വസനീയമായ ഷോട്ടുകൾ നേടാനും ഒരുപാട് ഗോളുകൾ നേടാനും അദ്ദേഹത്തിന് സാധിച്ചു. അദ്ദേഹം തന്റെ ടീമിനെ ഒന്നാമതെത്തിച്ച താരം കൂടിയാണ്'' അഡ്രിയൻ റാബിയോട്ട് പറഞ്ഞു. 

1998 മുതൽ 2015 വരെ ലിവർപൂളിനായി ഐതിഹാസികമായ ഒരു ഫുട്ബോൾ കരിയർ കെട്ടിപ്പടുത്തുയർത്തിയ താരമാണ് ജെറാർഡ്.  ലിവർപൂളിൽ ആയിരുന്ന സമയങ്ങളിൽ സ്റ്റീവൻ ജെറാർഡ് ലോകത്തിലെ ഏറ്റവും മികച്ച മിഡ്‌ഫീൽഡർമാരിൽ ഒരാളായിരുന്നു.

ലിവർപൂളിനോപ്പം ഒമ്പത് കിരീടങ്ങളാണ്‌ ജെറാൾഡ് സ്വന്തമാക്കിയത്. ഒരു യുവേഫ ചാമ്പ്യൻസ് ലീഗ്, രണ്ട് എഫ്എ കപ്പുകൾ, മൂന്ന് ഇംഗ്ലീഷ് പ്രീമിയർ ലീഗ് എന്നീ കിരീടങ്ങളാണ് താരം ലിവർപൂളിനോപ്പം നേടിയെടുത്തത്. സഊദി ക്ലബ് അൽ ഇത്തിഫാഖിന്റെ പരിശീലകനായി ജെറാർഡ് പ്രവർത്തിച്ചിട്ടുണ്ട്. 

Adrien Rabiot has named Liverpool legend Steven Gerrard as the best player beating Lionel Messi and Cristiano Ronaldo