ഭൂവനേശ്വർ: കലിംഗ സൂപ്പർകപ്പിലെ ആദ്യ മത്സരത്തിനായി ഗോകുലം കേരള ഇന്ന് കളത്തിലിറങ്ങുന്നു. നോക്കൗട്ട് റൗണ്ടിലെ ആദ്യ മത്സരത്തിൽ ഐ.എസ്.എൽ ക്ലബായ ഗോവയെയാണ് ഗോകുലം നേരിടുന്നത്.

ഐ ലീഗിൽ മികച്ച പ്രകടനം നടത്തിയ അതേ ടീം തന്നെയാകും സൂപ്പർ കപ്പിലും ഗോകുലത്തിനായി കളത്തിലിറങ്ങുക. ഐലീഗിലെ അവസാന മത്സരത്തിൽ വരെ കിരീടത്തിനായി ഗോകുലം പൊരുതി നോക്കിയിരുന്നു.മുന്നേറ്റതാരം താബിസോ ബ്രൗൺ മികച്ച ഫോമിലാണെന്നുള്ളത് ഗോകുലത്തിന് ആത്മവിശ്വാസം നൽകുന്ന കാര്യമാണ്.

ഇന്ന് നടക്കുന്ന മത്സരത്തിൽ ജയിച്ചാൽ മാത്രമേ ഗോകുലത്തിന്റെ ബാക്കി കാര്യങ്ങളെ കുറിച്ച് ചിന്തിക്കേണ്ടതുള്ളു. ഐലീഗിനായി ടീമിനെ ഒരുക്കിയ അതേ പരിശീലന സംഘം തന്നെയാകും സൂപ്പർ കപ്പിലും ഗോകുലം കേരളക്കായി തന്ത്രങ്ങൾ മെനയുക.

Gokulam to conquer Goa Malabarians ready for first leg in Super Cup