മഹാത്മാ ഗാന്ധി സര്‍വകലാശാലയിലെ പി.എച്ച്ഡി പ്രവേശന പരീക്ഷയ്ക്ക് ഏപ്രില്‍ എട്ടു മുതല്‍ ഓണ്‍ലൈനില്‍ അപേക്ഷിക്കാം.

മഹാത്മാ ഗാന്ധി സര്‍വകലാശാലയില്‍നിന്നോ മറ്റേതെങ്കിലും അംഗീകൃത സര്‍വകലാശാലയില്‍നിന്നോ 55 ശതമാനത്തില്‍ കുറയാത്ത മാര്‍ക്കോടെ അല്ലെങ്കില്‍ തത്തുല്യ  ഗ്രേഡോടെ ബിരുദാനന്തര ബിരുദം നേടിയവര്‍ക്കാണ് അവസരം. അംഗീകൃത ഏജന്‍സികളുടെ അക്രഡിറ്റേഷനുള്ള വിദേശ വിദ്യാഭ്യാസ സ്ഥാപനങ്ങളില്‍നിന്ന് ഇതേ യോഗ്യത നേടിയവരെയും പരിഗണിക്കും. സംവരണ വിഭാഗങ്ങളില്‍ പെട്ടവര്‍ക്ക് യോഗ്യതാ മാര്‍ക്കില്‍ അഞ്ചു ശതമാനം ഇളവുണ്ട്.

അപേക്ഷ സ്വീകരിക്കുന്ന അവസാന തീയതി ഏപ്രില്‍ 30. മെയ് 17, 18 തീയതികളിലാണ് പ്രവേശന പരീക്ഷ. അപേക്ഷാ ഫീസും( 1225 രൂപ, എസ്.സി/എസ്.ടി വിദ്യാര്‍ഥികള്‍ക്ക് 610 രൂപ) ഓണ്‍ലൈനില്‍ അടയ്ക്കാം.  

കൂടുതല്‍ വിവരങ്ങള്‍ https://researchonline.mgu.ac  എന്ന പോര്‍ട്ടലില്‍ ലഭിക്കും. ഫോണ്‍04812733568, 04812733337 ഇമെയില്‍  [email protected]

വിദ്യാഭ്യാസ വാർത്തകള്‍ വാട്സ്ആപ്പിൽ ലഭിക്കാന്‍ ക്ലിക് ചെയ്യുക