കാക്കനാട്: തൃക്കാക്കര നഗരസഭ ബസ് സ്റ്റാന്റില്‍ പാര്‍ക്ക് ചെയ്തിരുന്ന സ്വകാര്യബസിന്റെ മുന്‍ വശത്തെ ഗ്ലാസും വൈപ്പറും അജ്ഞാത സംഘം തകര്‍ത്ത നിലയില്‍. കാക്കനാട് തേവര ഫെറി റൂട്ടിലോടുന്ന മാരിയമ്മന്‍ ബസ് സര്‍വീസ് കഴിഞ്ഞ് പതിവു പോലെ ശനിയാഴ്ച രാത്രിയിലും ബസ് സ്റ്റാന്റില്‍ പാര്‍ക്ക് ചെയ്യുകയാണ് ഉണ്ടായത്.ഇന്നലെ പുലര്‍ച്ചേ ഒരുമണി സമയത്ത് വാഹനം കഴുകി വൃത്തിയാക്കുകയും ചെയ്തതാണെന്നും തൊഴിലാളികള്‍ പറയുന്നു. ഇതിനുശേഷമാണ് ബസ് തകര്‍ത്തത്. എന്‍ജിഒ കോട്ടേഴ്‌സിനു സമീപം നടുപ്പറമ്പില്‍ ഷാജിയുടെ ഉടമസ്ഥതയിലുള്ള ബസാണ് ഇത്. തൃക്കാക്കര പൊലിസ് സ്റ്റേഷനില്‍ പരാതി നല്‍കി.