ദുബൈ: തീപിടിച്ച കപ്പലില്‍ നിന്നും 10 ഏഷ്യന്‍ നാവികരെ രക്ഷപ്പെടുത്തി യുഎഇ നാഷണല്‍ ഗാര്‍ഡ്. കഴിഞ്ഞ ദിവസമാണ് കപ്പലില്‍ തീപിടുത്തമുണ്ടായത്. നാഷണല്‍ ഗാര്‍ഡിന്റെ പ്രത്യേക സംഘമാണ് നാവികരെ രക്ഷിക്കുന്നതിനായി രക്ഷാപ്രവര്‍ത്തനം നടത്തിയത്. അപകടത്തില്‍ പരുക്കുകളൊന്നും റിപ്പോര്‍ട്ട് ചെയ്യപ്പെട്ടിട്ടില്ല. കപ്പലിലെ എല്ലാ ജീവനക്കാരെയും സുരക്ഷിതമായ സ്ഥലത്തേക്ക് മാറ്റി.

റിപ്പോര്‍ട്ട് ലഭിച്ചയുടനെ അധികൃതര്‍ പ്രതികരിക്കുകയും സുരക്ഷാ മാനദണ്ഡങ്ങള്‍ക്കനുസൃതമായി നടപടി സ്വീകരിക്കുകയും ചെയ്തു. നാഷണല്‍ ഗാര്‍ഡിന്റെ കോസ്റ്റ് ഗാര്‍ഡ് ഗ്രൂപ്പുമായി ഏകോപിപ്പിച്ച് നാഷണല്‍ സെര്‍ച്ച് ആന്‍ഡ് റെസ്‌ക്യൂ സെന്ററാണ് ഓപ്പറേഷന്‍ നടത്തിയത്.

സമുദ്ര സുരക്ഷ വര്‍ധിപ്പിക്കുന്നതിനും അടിയന്തര സാഹചര്യങ്ങളില്‍ ഉടനടി പ്രതികരിക്കുന്നതിനും ജീവന്‍ രക്ഷിക്കുന്നതിനും പൊതുജന സുരക്ഷയെ പിന്തുണയ്ക്കുന്നതിനുമായി നാഷണല്‍ ഗാര്‍ഡ് ഏറ്റെടുക്കുന്ന ദൗത്യങ്ങളില്‍ ഉള്‍പ്പെടുന്നതാണ് രക്ഷാപ്രവര്‍ത്തനം.

 A fire broke out aboard a ship, prompting a swift rescue by the National Guard. All 10 sailors were safely evacuated in a coordinated emergency response operation.