ജയ്പൂർ: ഐപിഎല്ലിൽ ഇന്ന് നടക്കുന്ന മത്സരത്തിൽ ഗുജറാത്ത് ടൈറ്റൻസും രാജസ്ഥാൻ റോയൽസുമാണ് ഏറ്റുമുട്ടുന്നത്. രാജസ്ഥാന്റെ തട്ടകമായ സവായ് മാൻസിംഗ് സ്റ്റേഡിയത്തിലാണ് മത്സരം നടക്കുന്നത്. പ്ലേ ഓഫ് സാധ്യതകൾ നിലനിർത്തണമെങ്കിൽ ഗുജറാത്തിന് വിജയം അനിവാര്യമാണ്. മറുഭാഗത്ത് പ്ലേ ഓഫ് സാധ്യതകൾ നിലനിർത്തണമെങ്കിൽ രാജസ്ഥാനും വിജയം ആവശ്യമാണ്. 

ഈ നിർണായകമായ മത്സരത്തിൽ രാജസ്ഥാൻ താരം യശ്വസി ജെയ്‌സ്വാളിനെ കാത്തിരിക്കുന്നത് ഒരു തകർപ്പൻ റെക്കോർഡാണ്. ഐപിഎല്ലിൽ 2000 റൺസ് സ്വന്തമാക്കാനുള്ള അവസരമാണ് ജെയ്‌സ്വാളിന്റെ മുന്നിലുള്ളത്. മത്സരത്തിൽ 37 റൺസ് കൂടി നേടിയാൽ ജെയ്‌സ്വാളിന് ഈ നേട്ടം സ്വന്തമാക്കാം. ഈ മത്സരത്തിൽ 37 റൺസ് നേടിയാൽ ഇതിഹാസ താരം സച്ചിൻ ടെണ്ടുൽക്കറിനെ മറികടക്കാനും ജെയ്‌സ്വാളിന് സാധിക്കും.

ഐപിഎല്ലിൽ ഏറ്റവും വേഗത്തിൽ 2000 റൺസ് നേടുന്ന താരങ്ങളുടെ പട്ടികയിൽ മൂന്നാം സ്ഥാനത്തെത്താനാണ് ജെയ്‌സ്വാളിന് സാധിക്കുക. സച്ചിൻ 63 മത്സരങ്ങളിൽ നിന്നുമാണ് 2000 റൺസ് സ്വന്തമാക്കിയത്. ജെയ്‌സ്വാൾ ഇതിനോടകം തന്നെ 61 മത്സരങ്ങളിൽ നിന്നും 1963 റൺസാണ് നേടിയിട്ടുള്ളത്. ഈ മത്സരത്തിൽ 37 റൺസ് നേടിയാൽ സച്ചിനേക്കാൾ ഒരു ഇന്നിംഗ്സ് കുറച്ചു കളിച്ചുകൊണ്ട് ജെയ്‌സ്വാളിനു ഈ റെക്കോർഡ് കൈവരിക്കാൻ സാധിക്കും..  

ഈ നേട്ടത്തിൽ ഒന്നാം സ്ഥാനത്തുള്ളത് ഋതുരാജ് ഗെയ്ക്‌വാദ് ആണ്. 57 ഇന്നിങ്‌സുകളിൽ നിന്നുമാണ് ഗെയ്ക്വാദ് 2000 റൺസ് സ്വന്തമാക്കിയത്. 60 ഇന്നിങ്‌സുകളിൽ നിന്നുമായി ഈ നേട്ടം കൈവരിച്ച കെഎൽ രാഹുലാണ്‌ പട്ടികയിലെ രണ്ടാമൻ. ഈ പട്ടികയിൽ വിദേശ താരങ്ങളിൽ ഒന്നാം സ്ഥാനത്തുള്ളത് മുൻ വെസ്റ്റ് ഇൻഡീസ് താരം ക്രിസ് ഗെയ്‌ലാണ്. 48 ഇന്നിങ്സിൽ നിന്നുമാണ് ഗെയ്ൽ ഈ റെക്കോർഡ് കൈവരിച്ചത്. രണ്ടാമതുള്ളത് 52 ഇന്നിങ്‌സുകളിൽ നിന്നുമായി ഈ നേട്ടം സ്വന്തമാക്കിയ മുൻ ഓസ്‌ട്രേലിയൻ താരം ഷോൺ മാർഷാണ്. 

ഈ സീസണിൽ ടീമിന്റെ മോശം പ്രകടനനങ്ങളിലും രാജസ്ഥാന് വേണ്ടി മികച്ച ഫോമിലാണ് ജെയ്‌സ്വാൾ കളിക്കുന്നത്. ഈ സീസണിൽ ഒമ്പത് മത്സരങ്ങളിൽ നിന്നും നാല് അർദ്ധ സെഞ്ച്വറികൾ ഉൾപ്പടെ 356 റൺസാണ് ജെയ്‌സ്വാൾ നേടിയിട്ടുള്ളത്. ഈ മികച്ച ഫോം ഗുജറാത്തിനെതിരെയും തുടരുമെന്നാണ് പ്രതീക്ഷിക്കുന്നത്. 

Yashasvi Jaiswal Need 37 Runs to Break Sachin Tendulkar Record in IPL History