Bone health /  ഭക്ഷണകാര്യത്തില്‍ വളരെയധികം ശ്രദ്ധിക്കേണ്ടവയാണ് എല്ലുകളുടെ ആരോഗ്യത്തിനായി കാത്സ്യമടങ്ങിയ ഭക്ഷണം കഴിക്കുക എന്നത്. കാത്സ്യം കുറഞ്ഞാല്‍ എല്ലുകളുടെയും പല്ലുകളുടെയും ആരോഗ്യം നഷ്ടപ്പെടുകയും ചെയ്യും. അതുകൊണ്ട് എല്ലുകളുടെ ആരോഗ്യത്തിനായി കഴിക്കേണ്ട കാത്സ്യം അടങ്ങിയ ചില ഡ്രൈ ഫ്രൂട്ട്‌സുകള്‍ ഏതാണെന്നു നോക്കാം.

ബദാം

ബദാമിലടങ്ങിയിരിക്കുന്ന മഗ്നീഷ്യവും കാത്സ്യവും എല്ലുകളുടെ ആരോഗ്യത്തെ മെച്ചപ്പെടുത്തുന്നതാണ്. അതുകൊണ്ട് തന്നെ ബദാമും നിങ്ങളുടെ നിത്യജീവിതത്തില്‍ ഉള്‍പ്പെടുത്തേണ്ടവയാണ്. ഇത് നിങ്ങളുടെ എല്ലുകളെ ബലപ്പെടുത്തും. 

അത്തിപ്പഴം 

അത്തിപ്പഴത്തില്‍ കാത്സ്യം ധാരാളമായി അടങ്ങിയിട്ടുണ്ട്. അതായത് 100 ഗ്രാം അത്തിപ്പഴത്തില്‍ 55 മില്ലി ഗ്രാം കാത്സ്യമാണ് അടങ്ങിയിട്ടുള്ളത്. കൂടാതെ മഗ്‌നീഷ്യവും ഫോസ്ഫറസുമൊക്കെ അടങ്ങിയ അത്തിപ്പഴം കുതിര്‍ത്ത് കഴിക്കുന്നത് എല്ലുകളുടെ ആരോഗ്യത്തിന് ഗുണം ചെയ്യും. ഇതും ഉള്‍പ്പെടുത്താന്‍ ശ്രദ്ധിക്കുക. 

ഈന്തപ്പഴം

ഈന്തപ്പഴം കഴിക്കുന്നത് നിങ്ങളുടെ എല്ലുകള്‍ക്ക് വളരെ ഗുണം ചെയ്യുന്നതാണ്. 100 ഗ്രാം ഈന്തപ്പഴത്തില്‍ 64 മില്ലി ഗ്രാം കാത്സ്യമാണ് അടങ്ങിയിട്ടുള്ളത്. കൂടാതെ വിറ്റാമിനുകളും ഫൈബറും ധാരാളം അടങ്ങിയ ഈന്തപ്പഴം എല്ലുകളുടെ ആരോഗ്യം സംരക്ഷിക്കാനും സഹായിക്കും. അതുകെണ്ടുതന്നെ നിത്യജീവിതത്തില്‍ ഇതും പതിവാക്കുക.

പ്രൂണ്‍സ്

എല്ലുകളുടെ ആരോഗ്യത്തിനായി പ്രൂണ്‍സ് കഴിക്കുന്നത് നല്ലതാണ്. 100 ഗ്രാം പ്രൂണ്‍സില്‍ 43 മില്ലി ഗ്രാം കാത്സ്യം അടങ്ങിയിട്ടുണ്ട്. ആന്റി ഓക്‌സിഡന്റുകളും ഫൈബറും പൊട്ടാസ്യവും ധാരാളം അടങ്ങിയ പ്രൂണ്‍സും എല്ലുകളുടെ ആരോഗ്യത്തിന് ഗുണം ചെയ്യും. 

എള്ള് 

കാണാന്‍ ചെറുതാണെങ്കിലും എള്ളിന്റെ ഗുണം പറഞ്ഞറിയിക്കേണ്ടതില്ല. എല്ലുകളുടെ ആരോഗ്യത്തിനായി കാത്സ്യം ധാരാളമായുള്ള എള്ള് നിങ്ങള്‍ക്ക് കഴിക്കാവുന്നതാണ്.