മാമ്പഴം സ്മൂത്തി

മലയാളികള്‍ക്ക് ഇത് മാമ്പഴക്കാലമാണ്. മാങ്ങ ഉപയോഗിച്ച് കറികളും അച്ചാറുകളും ജ്യൂസുകളും ഒക്കെ പരീക്ഷിച്ചിട്ടുമുണ്ടാവും. എന്നാല്‍ ഈ ചൂടില്‍ ശരീരവും മനസും തണുപ്പിക്കാന്‍ മാമ്പഴം ഉപയോഗിച്ച് ഒരു സ്മൂത്തി റെഡിയാക്കാം. 

ചേരുവകള്‍

മാങ്ങ-3
പാല്‍- ഒന്നര കപ്പ്
യോഗര്‍ട്ട്-അര കപ്പ്
പഞ്ചസാര - നാലു സ്പൂണ്‍

ഉണ്ടാക്കുന്ന വിധം

മാങ്ങ നന്നായി കഴുകി അരിഞ്ഞെടുക്കുക. ശേഷം മിക്‌സിയുടെ ജാറിലേക്ക് മാങ്ങയും പാലും യോഗര്‍ട്ടും തേനും ചേര്‍ത്ത് നന്നായി അടിച്ചെടുക്കുക. ശേഷം ഒരു സര്‍വങ് ഗ്ലാസിലേക്കൊഴിച്ചു മീതെ ചെറിയ കഷണങ്ങളാക്കിയ കുറച്ചു മാങ്ങയും കൂടി വച്ച് അലങ്കരിച്ചാല്‍ പൊളിയായിരിക്കും.