ദിവസവും നമ്മള്‍ എടുക്കുന്ന ജോലിക്ക് കൈയും കണക്കുമില്ല. ഏറക്കുറേ ജോലികള്‍ക്കും ഇപ്പോള്‍ യന്ത്രങ്ങളായി. 
വാഷിങ് മെഷിന്‍ ഉപയോഗിച്ച് വീട്ടിലെ മുഴുവന്‍ വസ്ത്രങ്ങളും കഴുകാവുന്നതാണ്. എന്നാല്‍ വസ്ത്രങ്ങള്‍ മാത്രമല്ല ഇപ്പോള്‍ പലതും വാഷിങ് മെഷീനില്‍ കഴുകാന്‍ കഴിയുന്നതാണ്. ഈ ആറ് സാധനങ്ങള്‍ നിങ്ങള്‍ക്കിനി വാഷിങ് മെഷീനില്‍ കഴുകിയെടുക്കാം. അടുത്ത തവണ നിങ്ങളും വാഷിങ് മെഷിനില്‍ ഇതൊക്കെ ഒന്ന് ട്രൈ ചെയ്യൂ. ഇവയൊക്കെ വാഷിങ് മെഷിനിലും കഴുകാം.

പാത്രങ്ങള്‍

നിങ്ങള്‍ക്ക് പാത്രങ്ങളോ ലഞ്ച് ബോക്‌സോ കൈ കൊണ്ടോ ഡിഷ് വാഷറിലോ വേണം കഴുകണമെങ്കില്‍. എന്നാല്‍ ഇനി അവ വാഷിങ് മെഷീനിലും എളുപ്പത്തില്‍ കഴുകാം. ടവ്വലിനൊപ്പം പാത്രങ്ങളും ലഞ്ച് ബോക്‌സും തണുത്ത വെള്ളത്തില്‍ കഴുകാന്‍ കഴിയും. ഇവ ഡ്രയറില്‍ ഉണക്കരുതെന്നു മാത്രം.

സ്‌നീക്കേഴ്‌സ്

ട്രെന്‍ഡി ലുക്ക് നല്‍കുന്ന, ധരിക്കാന്‍ സൗകര്യമുള്ള സ്‌നീക്കറുകള്‍ എല്ലാവരും ഉപയോഗിക്കാറുണ്ട്. റണ്ണിങ് ഷൂസ് നമ്മുടെ ജീവിതത്തിന്റെ ഭാഗമാണ്. എന്നാല്‍ സ്‌നീക്കറുകളും റണ്ണിങ് ഷൂസുകളുമൊക്കെ വൃത്തിയാക്കാന്‍ വളരെയധികം പരിശ്രമിക്കേണ്ടി വരാറുണ്ട്.

വെള്ള നിറമുള്ള സ്‌നീക്കറുകളാണെങ്കില്‍ പറയുകയും വേണ്ട. എന്നാല്‍ വാഷിങ് മെഷീനില്‍ നിങ്ങളുടെ സ്‌നീക്കറുകളും റണ്ണിങ് ഷൂകളും ഇനി കഴുകാവുന്നതാണ്. ആദ്യം സ്‌നീക്കറുകളുടെയും ഷൂസിന്റെയും ലെയ്‌സുകള്‍ ഊരി മാറ്റണം. എന്നിട്ട് വാഷിങ് മെഷീനില്‍ തൂവാലകളും തുണിക്കഷണങ്ങളും ഇടുക. ഇതിനൊപ്പം സ്‌നീക്കറും. നനഞ്ഞ സ്‌നീക്കറുകള്‍ എയര്‍ ഡ്രൈ ചെയ്യാന്‍ മറക്കരുത്.

യോഗ മാറ്റുകള്‍

വൃത്തിയില്ലാത്ത യോഗ മാറ്റില്‍ നിന്ന് നിങ്ങള്‍ക്ക് ഒരിക്കലും ആരോഗ്യം ലഭിക്കില്ല. വാഷിങ് മെഷീനില്‍ നിങ്ങള്‍ക്ക് യോഗ മാറ്റ് വളരെ എളുപ്പത്തില്‍ കഴുകിയെടുക്കാവുന്നതാണ്. യോഗ മാറ്റ് ഒറ്റയ്ക്കായിട്ട് കഴുകാതിരിക്കാന്‍ ശ്രദ്ധിക്കുക. ബെഡ്ഷീറ്റുകള്‍, ടവ്വലുകള്‍, യോഗ മാറ്റുകള്‍ എന്നിവ തണുത്ത വെള്ളത്തില്‍ ഒന്നിച്ചിട്ട് കഴുകാവുന്നതാണ്. യോഗ മാറ്റ് പുറത്ത് ഉണക്കുകയും വേണം. ഇനി നിങ്ങള്‍ക്കിതില്‍ യോഗയും വ്യായാമവും ചെയ്യാം.

തൊപ്പി

കുട്ടികളായാലും മുതിര്‍ന്നവരായാലും തൊപ്പി ധരിക്കാറുണ്ട്. വെയില്‍ ഏല്‍ക്കാതിരിക്കാനും മൊട്ടത്തല മറയ്ക്കാനും തൊപ്പികള്‍ ഉപയോഗിക്കാറുണ്ട്. എന്നാല്‍ തൊപ്പി വൃത്തിയാക്കാന്‍ നിങ്ങള്‍ എന്താണ് ചെയ്യുക. ഇതും നിങ്ങള്‍ക്ക് വാഷിങ് മെഷീനില്‍ കഴുകി എടുക്കാവുന്നതാണ്. തണുത്ത വെള്ളം തന്നെ ആണ് ഇവിടെയും വേണ്ടതെന്നു മാത്രം.

കളിപ്പാട്ടം

കുട്ടികളുടെ പ്രിയപ്പെട്ടവയാണ് അവരുടെ സ്റ്റഫ് ചെയ്ത കളിപ്പാട്ടങ്ങള്‍. നിങ്ങളുടെ കുട്ടികള്‍ കൂടുതല്‍ സമയം ചെലവഴിക്കുന്തോറും അവ വൃത്തികേടാവും എന്ന് വ്യക്തമാണ്. വാഷിങ് മെഷീനില്‍ സ്റ്റഫ് ചെയ്ത കളിപ്പാട്ടം പോലും നിങ്ങള്‍ക്ക് കഴുകാവുന്നതാണ്. എന്നാല്‍ കളിപ്പാട്ടങ്ങളില്‍ എഴുതിയിരിക്കുന്ന നിര്‍ദേശങ്ങള്‍ പാലിക്കുകയും വേണം. മെഷീന്‍ വാഷിങ് നിരോധിച്ചിട്ടുണ്ടെങ്കില്‍, കളിപ്പാട്ടം കഴുകുകയും ചെയ്യരുത്. 

തലയിണകള്‍

വാഷിങ് മെഷീനില്‍ തലയിണയും കഴുകാം. തലയിണകള്‍ വളരെ മൃദുലമാണ്. ഇവ മെഷീനില്‍ കഴുകുന്നത് കാരണം കേടാകുമെന്നും കരുതുന്നവരുണ്ട്. എന്നാല്‍ ഇത് അങ്ങനെയല്ല. ഒരേസമയം 2 തലയിണകള്‍ മെഷീനിലേക്ക് ഇട്ട് അവ ചൂടുള്ള വെള്ളത്തില്‍ കഴുകുകയാണ് ചെയ്യുന്നത്. പിന്നീട് വെയിലത്ത് വച്ച് ഉണക്കുക.