കോഴിക്കോട്: കരിപ്പൂർ വിമാനത്താവളത്തിൽ ഹൈബ്രിഡ് കഞ്ചാവ് പിടികൂടി. കണ്ണൂർ മട്ടന്നൂർ സ്വദേശികളായ രണ്ട് ആളുകളെ ഒമ്പത് കോടിയുടെ കഞ്ചാവുമായാണ് പൊലിസ് പിടികൂടിയത്. അബുദാബിയിൽ നിന്നും കടത്തിക്കൊണ്ടുവന്ന 18 കിലോ കഞ്ചാവാണ് ഇന്നലെ രാത്രി പൊലിസ് പിടിച്ചെടുത്തത്. മട്ടന്നൂർ ഇടവേലിക്കൽ കുഞ്ഞിപറമ്പത്ത് വീട്ടിൽ റിജിൽ, തലശേരി പെരുംന്താറ്റിൽ ഹിമം വീട്ടിൽ റോഷൻ ആർ ബാബു എന്നിവരെയാണ് പൊലിസ് അറസ്റ്റ് ചെയ്തത്. 

അബുദാബിയിൽ നിന്നും എത്തിയ ഇത്തിഹാദ് എയർവെയ്സ് വിമാനത്തിലാണ് ഇവർ കഞ്ചാവ് കടത്തിയത്. ട്രോളി ബാഗുകളിൽ 14 കവറുകൾ ആയാണ് കഞ്ചാവ് സൂക്ഷിച്ചിരുന്നത്. എന്നാൽ ഇവർക്ക് കഞ്ചാവ് എത്തിച്ചു നൽകിയ ആൾ രക്ഷപ്പെടുകയായിരുന്നു ഇയാൾക്ക് വേണ്ടിയുള്ള തിരച്ചിൽ പൊലിസ് ആരംഭിച്ചിട്ടുണ്ട്.

കഞ്ചാവ് വാങ്ങാൻ വിമാനത്താവളത്തിലെത്തി കാത്തുനിൽക്കുകയായിരുന്നു ഇരുവരും. സംശയാസ്പദകമായ സാഹചര്യത്തിൽ വിമാനത്താവളത്തിന്റെ പരിസരത്ത് കണ്ട ഇവരെ പൊലിസ് ചോദ്യം ചെയ്തപ്പോഴാണ് കഞ്ചാവ് കടത്തിയ ആളെക്കുറിച്ച് വിവരം ലഭിച്ചിരുന്നത്. പൊലിസ് എത്തിയ വിവരം അറിഞ്ഞതിനു പിന്നാലെ ഇയാൾ ടാക്സിയും രക്ഷപ്പെടുകയായിരുന്നു. പോലിസിന്റെ പിടിയിലാവും എന്ന് ഉറപ്പായതോടെ ട്രോളി ബാഗ് കാറിൽ ഉപേക്ഷിച്ച് ഇയാൾ രക്ഷപ്പെടുകയായിരുന്നു.

Hybrid cannabis worth Rs 9 crore seized at Karipur airport two arrested