ദുബൈ: അൽ ബർഷയിലെ പേൾ വ്യൂ റെസ്റ്റോറന്റ് ആൻഡ് കഫ്റ്റീരിയയിലുണ്ടായ തീപിടുത്തം ദുബൈ സിവിൽ ഡിഫൻസ് നിയന്ത്രണവിധേയമാക്കി. ഗ്യാസ് ചോർച്ചയാണ് തീപിടിത്തത്തിന് കാരണം. തലശ്ശേരി സ്വദേശിയാണ് റെസ്റ്റോറന്റിന്റെ ഉടമ. സംഭവസ്ഥലത്ത് ജോലി ചെയ്തിരുന്ന രണ്ട് മലയാളികൾ ഉൾപ്പെടെ നിരവധി പേർക്ക് പരുക്കേറ്റിട്ടുണ്ട്. ഇവർ ആശുപത്രിയിൽ ചികിത്സയിലാണ്.

മാൾ ഓഫ് എമിറേറ്റ്സിന് സമീപത്തായി നടന്ന ഈ സ്ഫോടനത്തിന്റെ ഫലമായി റെസ്റ്റോറന്റിന്റെ മുൻഭാഗം തകർന്ന് ജനൽച്ചില്ലുകൾ തെരുവിലേക്ക് ചിതറി. അതേസമയം, ആളപായമൊന്നും റിപ്പോർട്ട് ചെയ്തിട്ടില്ല. 

സോഷ്യൽ മീഡിയയിൽ പ്രചരിച്ച ദൃശ്യങ്ങളിൽ കനത്ത പുക ഉയരുന്നതും, തിരക്കേറിയ പ്രദേശത്ത് ആൾക്കൂട്ടം നോക്കിനിൽക്കുന്നതും കാണാം. കൂടാതെ, പൊലിസ്  ഹെലികോപ്റ്റർ ആകാശത്ത് വട്ടമിട്ട് പറക്കുന്നതും ദൃശ്യങ്ങളിൽ കാണാം. തീ റെസിഡൻഷ്യൽ കെട്ടിടത്തിന്റെ താഴത്തെ ഭാഗങ്ങളിലേക്കും വ്യാപിച്ചിരുന്നു.

Dubai Civil Defense successfully contained a fire caused by a gas leak at Pearl View Restaurant & Cafeteria near Mall of the Emirates in Al Barsha. The explosion shattered windows and damaged the facade, but authorities confirmed no casualties. Social media footage showed heavy smoke and emergency response efforts.