ദുബൈ: യുഎഇയിലേക്ക് മയക്കുമരുന്ന കടത്താന്‍ ശ്രമിച്ച രണ്ടുപേര്‍ക്ക് 7 വര്‍ഷം കഠിന തടവ്. രാജ്യത്തേക്ക് 1,200 മയക്കുമരുന്ന് ഗുളികകള്‍ കടത്തിയതിനാണ് ദുബൈ കോടതി രണ്ട് ആഫ്രിക്കന്‍ പൗരന്മാര്‍ക്ക് ഏഴ് വര്‍ഷം തടവും 200,000 ദിര്‍ഹം പിഴയും വിധിച്ചത്.

ഒരു യുവാവും ഒരു യുവതിയുമാണ് പൊലിസ് പിടിയിലായത്. ശിക്ഷാ കാലാവധി കഴിഞ്ഞാല്‍ ഇവരെ നാടുകടത്താനും ദുബൈ കോടതി ഓഫ് ഫസ്റ്റ് ഇന്‍സ്റ്റന്‍സ് ഉത്തരവിട്ടു. 

ദുബൈ അന്താരാഷ്ട്ര വിമാനത്താവളത്തിലൂടെ മയക്കുമരുന്ന കടത്താന്‍ ശ്രമിക്കുന്നതിനിടെയാണ് ഇവര്‍ പിടിയിലായത്. മയക്കുമരുന്ന കടത്തിയതാനാണ് യുവാവ് അറസ്റ്റിലായത്. പിടികൂടിയ മയക്കുമരുന്ന് ഇടപാടുകാര്‍ക്ക് വിതരണം ചെയ്യാന്‍ പദ്ധതിയിട്ടതിനാണ് യുവതിയെ അറസ്റ്റു ചെയ്തത്. യുവാവിന്റെ ബാഗിലെ അസാധാരണമായ ഭാരം കണ്ട് സംശയം തോന്നിയ കസ്റ്റംസ് ഉദ്യോഗസ്ഥന്‍ ബാഗ് തുറന്ന് വിശദമായി പരിശോധിച്ചപ്പോഴാണ് ഗുളിക രൂപത്തിലാക്കിയ മയക്കുമരുന്ന് കണ്ടെത്തിയത്. 

ചോദ്യം ചെയ്യലില്‍ താന്‍ നിരോധിത വസ്തുക്കള്‍ ഒന്നും തന്നെ കൈവശം വച്ചിട്ടില്ലെന്ന് യുവാവ് പറഞ്ഞു. എന്നിരുന്നാലും, തിരച്ചിലില്‍ രാജ്യത്ത് നിരോധിക്കപ്പെട്ട ലഹരി മരുന്നുകള്‍ കണ്ടെത്തുകയായിരുന്നു.

കസ്റ്റംസ് ഉദ്യോഗസ്ഥര്‍ ഇക്കാര്യം ദുബൈ പൊലിസിനെ അറിയിച്ചു. തുടര്‍ന്ന് ദുബൈ പൊലിസ് ഇവരെ കസ്റ്റഡിയിലെടുക്കുകയായിരുന്നു. ചോദ്യം ചെയ്യലില്‍, സ്വന്തം നാട്ടിലുള്ള ഒരാള്‍ തന്ന ബാഗാണിതെന്നും വിമാനത്താവളത്തില്‍ കാത്തിരിക്കുന്ന ഒരു സ്ത്രീക്ക് എത്തിക്കണമെന്ന് പറഞ്ഞാണ് തന്നതെന്നും ഇയാള്‍ പൊലിസിനോട് പറഞ്ഞു. രണ്ടാം പ്രതിയുമായുള്ള ആശയവിനിമയം സൂചിപ്പിക്കുന്ന വാട്ട്‌സ്ആപ്പ് സന്ദേശങ്ങളും ഇയാള്‍ കാണിച്ചു.

ഈ വിവരത്തിന്റെ അടിസ്ഥാനത്തില്‍, വിമാനത്താവളത്തില്‍ വെച്ച് അധികാരികള്‍ സ്ത്രീയെ അറസ്റ്റ് ചെയ്തു. വീട്ടിലേക്ക് മടങ്ങിയ സഹോദരന് വേണ്ടി ബാഗ് എടുക്കാന്‍ വിമാനത്താവളത്തില്‍ എത്തിയതാണെന്ന് അവര്‍ സമ്മതിച്ചു. പക്ഷേ അതില്‍ എന്താണ് ഉള്ളതെന്ന് അറിയില്ലായിരുന്നു എന്നവര്‍ പറഞ്ഞു.

യുഎഇയിലെ മയക്കുമരുന്ന് വിരുദ്ധ നിയമപ്രകാരം പിടിച്ചെടുത്ത ഗുളികകള്‍ നിയന്ത്രിത വസ്തുക്കളായി തരംതിരിച്ചിട്ടുണ്ടെന്ന് ഫോറന്‍സിക് ഉദ്യോഗസ്ഥര്‍ സ്ഥിരീകരിച്ചു. നിരോധിത മരുന്നുകള്‍ ഇറക്കുമതി ചെയ്യുകയും വിതരണം ചെയ്യുക എന്ന ഉദ്ദേശ്യത്തോടെ കൈവശം വയ്ക്കുകയും ചെയ്തതിന് രണ്ട് പ്രതികളും കുറ്റക്കാരാണെന്ന് കോടതി കണ്ടെത്തി.

Dubai court has sentenced two individuals to seven years in prison and imposed a Dh200,000 fine for their involvement in a drug-related case. Learn more about the case details and legal consequences.