ഇടുക്കി: ഇടുക്കി വണ്ണപ്പുറം കോട്ടപ്പാറാ വ്യൂ പോയിന്റില്‍ സുഹൃത്തുക്കളോടൊപ്പം എത്തിയ യുവാവ് കൊക്കയില്‍ വീണു. ചീങ്കല്‍ സ്വദേശി സാംസണ്‍(23) ആണ് അപകടത്തില്‍പെട്ടത്. തൊടുപുഴ ഫയര്‍ഫോഴ്‌സ് എത്തി യുവാവിനെ രക്ഷപ്പെടുത്തി.

 പുലര്‍ച്ചെയാണ് സുഹൃത്തുക്കള്‍ക്കൊപ്പം സാംസണ്‍ കോട്ടപ്പാറയിലേക്കെത്തുന്നത്. പാറയില്‍ കാല്‍ തെന്നിയാണ് 70 അടി താഴ്ചയിലേക്ക് പതിച്ചത്. ഒപ്പമുണ്ടായിരുന്ന സുഹൃത്തുക്കളാണ് പൊലിസിനെയും ഫയര്‍ഫോഴ്‌സിനെയും വിവരമറിയിച്ചത്. പരിക്കേറ്റ സാംസണെ തൊടുപുഴിയിലെ ആശുപത്രിയില്‍ പ്രവേശിപ്പിച്ചിട്ടുണ്ട്.