ബദിയടുക്ക: ഹെല്‍മെറ്റില്ലാതെ ബൈക്കോടിച്ചതിനെ ചോദ്യം ചെയ്ത എ.എസ്.ഐ.യുടെ കൃത്യനിര്‍വഹണം തടസ്സപ്പെടുത്തിയതിന് മൂന്നു പേര്‍ക്കെതിരെ ബദിയടുക്ക പൊലിസ് കേസെടുത്തു. ദേശീയ പണിമുടക്ക് ദിവസം നെല്ലിക്കട്ടയില്‍ വച്ചാണ് സംഭവം. ബദിയടുക്ക പൊലിസ് സ്റ്റേഷനിലെ എ.എസ്.ഐ. സതീശന്റെ കൃത്യനിര്‍വഹണം തടസ്സപ്പെടുത്തിയതിന് അബ്ദുല്‍ ഖാദര്‍, തസ്‌ലിം, വി.ആര്‍. ഗോപാലന്‍ എന്നിവര്‍ക്കെതിരെയാണ് കേസ്. അബ്ദുല്‍ ഖാദറിനെയും വി.ആര്‍ ഗോപാലനെയും അറസ്റ്റ് ചെയ്ത് ജാമ്യത്തില്‍ വിട്ടു. തസ്‌ലിമിനെ കിട്ടാനുണ്ടെന്ന് പൊലിസ് പറഞ്ഞു. പൊലിസ് നോക്കി നില്‍ക്കേ ഹെല്‍മെറ്റ് വെക്കാതെ ബൈക്ക് സ്റ്റാര്‍ട്ട് ചെയ്ത് അബ്ദുല്‍ ഖാദര്‍ പോകുന്നത് കണ്ടപ്പോള്‍ ഹെല്‍മെറ്റ് ധരിക്കൂവെന്ന് എ.എസ്.ഐ. ആവശ്യപ്പെട്ടു. ഇതിനെ ചോദ്യം ചെയ്ത അൂബ്ദുല്‍ ഖാദര്‍ എ.എസ്.ഐയുടെ ഔദ്യോഗിക കൃത്യനിര്‍വഹണം തടസ്സപ്പെടുത്തിയെന്നാണ് കേസ്.