കുവൈത്ത് സിറ്റി: കുവൈത്തിലെ ഫഹാഹീലിൽ ഗ്യാസ് പൊട്ടിത്തെറിച്ച് മലയാളികൾ ഉൾപ്പെടെ 10 പേർക്ക് പരിക്കേറ്റു. ഫഹാഹീൽ ദബ്ബൂസ് സ്ട്രീറ്റിൽ മാർക്ക്‌ ആൻഡ് സേവ് സൂപ്പർ മാർക്കറ്റിന് സമീപം മലയാളികൾ നടത്തുന്ന റെസ്റ്റോറന്റിലാണ് അപകടമുണ്ടായത്. എ. സി യിൽ നിന്നും വാതക ചോർച്ചയുണ്ടായതിനെ തുടർന്നാണ് പൊട്ടിത്തെറി സംഭവിച്ചത് എന്നാണ് പ്രാഥമിക നിഗമനം. ഫഹാഹീൽ, അഹ്മദി സ്റ്റേഷനുകളിൽ നിന്നുള്ള അഗ്നിശമന സേനാംഗങ്ങൾ എത്തിയാണ് രക്ഷാപ്രവർത്തനം നടത്തിയത് . പരിക്കേറ്റവരെ  ആശുപത്രിയിൽ എത്തിച്ചു.

Kuwait: 10 people, including Malayalis, injured in gas explosion in Fahaheel