ഷാർജ: ഷാർജ റോഡിൽ രണ്ട് വാഹന യാത്രക്കാർ തമ്മിലുണ്ടായ തർക്കം നിമിഷങ്ങൾക്കകം അക്രമാസക്തമായി മാറി. ഡ്രൈവർമാർ തമ്മിൽ അടിപിടിയുണ്ടായതിനെ തുടർന്ന് മറ്റ് വാഹന യാത്രക്കാർ ചേർന്നാണ് ഇവരുടെ വഴക്ക് അവസാനിപ്പിച്ചത്.

ഒരു റൗണ്ട്എബൗട്ടിൽ രണ്ട് അറബ് പൗരന്മാർ തമ്മിൽ ഉണ്ടായ സംഘർഷത്തെക്കുറിച്ച് റിപ്പോർട്ട് ലഭിച്ചയുടനെ പൊലിസ് പട്രോളിംഗ് സ്ഥലത്തെത്തി. ഇരു കക്ഷികളെയും വിളിച്ചുവരുത്തിയ പൊലിസ് അവരുടെ മൊഴികൾ രേഖപ്പെടുത്തിയ ശേഷം കേസ് പബ്ലിക് പ്രോസിക്യൂഷന് കൈമാറി.

"നമ്മുടെ സമൂഹത്തിന്റെ മൂല്യങ്ങൾക്ക് വിരുദ്ധമായ ഇത്തരം പെരുമാറ്റങ്ങൾ ഷാർജ പൊലിസ് കർശനമായി കൈകാര്യം ചെയ്യുന്നു" എന്ന് പൊലിസ് വകുപ്പിന്റെ ഡയറക്ടർ ജനറൽ ബ്രിഗേഡിയർ ജനറൽ ഇബ്രാഹിം മുസാബ അൽ അജേൽ വ്യക്തമാക്കി. സ്വയം സംയമനം പാലിക്കുന്നതിന്റെയും ദൈനംദിന സാഹചര്യങ്ങളിൽ അവബോധം പുലർത്തുന്നതിന്റെയും പ്രതികൂല പ്രതികരണങ്ങൾ ഒഴിവാക്കുന്നതിന്റെയും പ്രാധാന്യം അദ്ദേഹം ഊന്നിപ്പറഞ്ഞു.

ഇത്തരം സംഭവങ്ങൾ വീഡിയോ എടുക്കുന്നതും സോഷ്യൽ മീഡിയയിൽ പങ്കിടുന്നതും ഒഴിവാക്കാൻ അദ്ദേഹം ആവശ്യപ്പെട്ടു. ഇത്തരം ഉള്ളടക്കം റെക്കോർഡ് ചെയ്യുകയും പോസ്റ്റ് ചെയ്യുകയും ചെയ്യുന്നത് നിയമപ്രകാരം ശിക്ഷാർഹമായ കുറ്റമാണെന്ന് അദ്ദേഹം ഉറപ്പുവരുത്തി. ഇത്തരം മെറ്റീരിയലുകൾ ഉചിതമായ നടപടിയ്ക്കായി അധികൃതർക്ക് സമർപ്പിക്കണമെന്ന് അദ്ദേഹം ആവശ്യപ്പെട്ടു.

സുരക്ഷയും സ്ഥിരതയും നിലനിർത്തുന്നതിനുള്ള പ്രതിബദ്ധത വീണ്ടും ഓർമിപ്പിച്ച ഷാർജ പൊലിസ് സുരക്ഷിതമായ അന്തരീക്ഷം വളർത്തിയെടുക്കുന്നതിൽ എല്ലാവരും സഹകരിക്കണമെന്നും ക്രിയാത്മകമായി പങ്കെടുക്കണമെന്നും അഭ്യർത്ഥിച്ചു. തെറ്റായതോ നിയമവിരുദ്ധമായതോ ആയ പെരുമാറ്റം ഉണ്ടായാൽ 901 എന്ന നമ്പറിൽ വിളിച്ചറിയിക്കാൻ പൊതുജനങ്ങൾക്ക് നർദേശം നൽകി.

A heated argument between two drivers in Sharjah escalated into a physical fight, requiring intervention from other motorists. Police arrived at the scene and took statements from both parties before referring the case to public prosecution. Authorities warned against filming and sharing such incidents on social media, emphasizing legal consequences.