കോട്ടയം: കോട്ടയത്ത് നിന്ന് കാണാതായ പഞ്ചായത്ത് മെമ്പർ ഐസി സാജനെയും രണ്ട് പെൺമക്കളെയും കണ്ടെത്തി. മണിക്കൂറുകൾ നീണ്ട തെരച്ചിലിനൊടുവിൽ എറണാകുളത്തെ ഒരു ഹോട്ടലിൽ നിന്നാണ് ഇവരെ കണ്ടെത്തിയത്. ഭർതൃവീട്ടുകാരുമായുള്ള സ്വത്ത് തർക്കത്തിൻ്റെ പേരിലാണ് മക്കളുമായി വീട് വിട്ടതെന്ന് മെമ്പർ പൊലിസിനോട് പറഞ്ഞു. സ്വത്ത്‌ വീതം വെച്ച വകയിൽ 50 ലക്ഷം രൂപ ഭർത്താവിന്റെ വീട്ടുകാർ കൊടുക്കാൻ ഉണ്ടെന്നും മെമ്പർ പറഞ്ഞു. അതിരമ്പുഴ പഞ്ചായത്ത്‌ അംഗം ഐസി സാജനെയും, മക്കളേയുമാണ് ഇന്ന് രാവിലെ മുതൽ കാണാതായത്. 

ഐസിയുടെ ഭര്‍ത്താവ് സാജന്‍ നേരത്തെ മരണപ്പെട്ടിരുന്നു. ഇവരും ഭര്‍ത്താവിന്റെ കുടുംബവും തമ്മില്‍ സ്വത്ത് തര്‍ക്കം നിലനിന്നിരുന്നു. ഇതിന്റെ ഭാഗമായി പൊലിസില്‍ പരാതിയും നല്‍കിയിട്ടുണ്ട്. പിന്നീട് പൊലിസ് ഇടപെട്ട് 50 ലക്ഷം രൂപ ഭര്‍തൃ വീട്ടുകാരില്‍ നിന്ന് വാങ്ങി നല്‍കാമെന്ന് ഉറപ്പ് നല്‍കിയിരുന്നു. എന്നാല്‍ പൊലിസ് വാഗ്ദാനം പാലിച്ചില്ല. തുടര്‍ന്നാണ് യുവതി പൊലിസിനും, ഭര്‍തൃ വീട്ടുകാര്‍ക്കുമെതിരെ ഫേസ്ബുക്കില്‍ പോസ്റ്റിട്ടത്. ഭര്‍തൃമാതാവിന്റെ പീഢനം ഇനിയും സഹിക്കാന്‍ കഴിയില്ലെന്നും യുവതി കുറിപ്പില്‍ പറഞ്ഞിരുന്നു. തൊട്ടുപിന്നാലെയാണ് മക്കളോടൊപ്പം യുവതിയെ കാണാതാവുന്നത്.

A panchayat member from Kottayam, who went missing along with her two daughters, has been safely located at a hotel in Ernakulam. The police launched an extensive search operation after the family was reported missing earlier today. Preliminary investigations suggest the disappearance was linked to a family dispute over property. Authorities have confirmed all three are safe and undergoing necessary procedures. Updates to follow.