മസ്‌കത്ത്: ഒമാനില്‍ മയക്കുമരുന്ന് കൈവശം വെച്ച രണ്ട് പേര്‍ അറസ്റ്റില്‍. 20 കിലോയിലധികം ലഹരി മരുന്നാണ് ഇവരില്‍ നിന്നും കണ്ടെടുത്തത്.

20 കിലോയില്‍ കൂടുതല്‍ ക്രിസ്റ്റല്‍ മെത്താംഫെറ്റാമൈന്‍, ഹാഷിഷ് എന്നിവ കൈവശം വച്ചതിന് ഒരു ഈജിപ്ഷ്യന്‍ പൗരനും ഒരു സുഡാന്‍ പൗരനുും അറസ്റ്റിലായതായി റോയല്‍ ഒമാന്‍ പൊലിസിലെ ജനറല്‍ ഡയറക്ടറേറ്റ് ഫോര്‍ കോംബാറ്റിംഗ് നാര്‍ക്കോട്ടിക് ആന്‍ഡ് സൈക്കോട്രോപിക് സബ്സ്റ്റന്‍സസ് അറിയിച്ചു.

ഒമാനില്‍ മയക്കുമരുന്ന് കടത്ത് ഭീഷണി തടയുന്നതിനുള്ള തീവ്രമായ ശ്രമങ്ങളുടെ ഭാഗമായി മസ്‌കത്ത് ഗവര്‍ണറേറ്റിലെ അല്‍ അമേറാത്തിലെ വിലായത്തില്‍ വെച്ചാണ് ഇവരെ അറസ്റ്റ് ചെയ്തത്.

കേസില്‍ അന്വേഷണം പുരോഗമിക്കുകയാണ്, തുടര്‍ നടപടികള്‍ ഉടന്‍ ഉണ്ടാകുമെന്നാണ് പ്രതീക്ഷിക്കുന്നത്. മയക്കുമരുന്ന് കള്ളക്കടത്ത് ശൃംഖലകള്‍ തടയുന്നതിലും വിതരണ മാര്‍ഗങ്ങള്‍ തകര്‍ക്കുന്നതിലും ശ്രദ്ധ കേന്ദ്രീകരിച്ച് ഒമാന്‍ സമീപ വര്‍ഷങ്ങളില്‍ മയക്കുമരുന്നിനെതിരെയുള്ള നടപടികള്‍ ശക്തമാക്കിയിട്ടുണ്ട്.

Omani authorities have arrested two individuals for possessing 20 kilograms of narcotic substances. Learn more about the drug bust, the charges, and ongoing efforts to combat drug trafficking in the region.