മസ്‌കത്ത്: അല്‍ റൗദ പ്രത്യേക സാമ്പത്തിക മേഖലയുടെ ആദ്യ ഘട്ടം വികസിപ്പിക്കുന്നതിനുള്ള കരാറില്‍ ഒപ്പുവച്ച് ദുബൈ കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയും ദുബൈ എക്‌സിക്യൂട്ടീവ് കൗണ്‍സില്‍ ചെയര്‍മാനുമായ ഷെയ്ഖ് ഹംദാന്‍ ബിന്‍ മുഹമ്മദ് ബിന്‍ റാഷിദ് അല്‍ മക്തൂം. ഒമാനിലെ അല്‍ ബുറൈമി ഗവര്‍ണറേറ്റിലെ മഹാദയിലെ വിലായത്തിലാണ് ഈ മേഖല സ്ഥിതി ചെയ്യുന്നത്.

ഷെയ്ഖ് ഹംദാന്റെ ഔദ്യോഗിക ഒമാന്‍ സന്ദര്‍ശനവേളയിലാണ് പ്രത്യേക സാമ്പത്തിക മേഖല വികസിപ്പിക്കുന്നതിനുള്ള കരാറില്‍ ഒപ്പുവച്ചിരിക്കുന്നത്. ഒമാന്‍ സാംസ്‌കാരിക, കായിക, യുവജന മന്ത്രി സയ്യിദ് തിയാസിന്‍ ബിന്‍ ഹൈതം അല്‍ സെയ്ദും പരിപാടിയില്‍ പങ്കെടുത്തു.

യുഎഇയും ഒമാനും തമ്മിലുള്ള വികസിച്ചുകൊണ്ടിരിക്കുന്ന സാമ്പത്തിക പങ്കാളിത്തത്തിലെ സുപ്രധാന ചുവടുവയ്പ്പാണ് ഈ കരാര്‍. ഷെയ്ഖ് ഹംദാനെ കൂടാതെ പബ്ലിക് അതോറിറ്റി ഫോര്‍ സ്‌പെഷ്യല്‍ ഇക്കണോമിക് സോണസ് ആന്‍ഡ് ഫ്രീ സോണ്‍സ് (ഒപാസ്) ഡെപ്യൂട്ടി ചെയര്‍മാന്‍ അഹമ്മദ് ബിന്‍ ഹസ്സന്‍ അല്‍ ദീബും ഡിപി വേള്‍ഡിന്റെ ഗ്രൂപ്പ് ചെയര്‍മാനും സിഇഒയുമായ സുല്‍ത്താന്‍ അഹമ്മദ് ബിന്‍ സുലൈമും കരാറില്‍ ഒപ്പുവച്ചു.

'യുഎഇയും ഒമാനും തമ്മിലുള്ള വളര്‍ന്നുവരുന്ന സാമ്പത്തിക ബന്ധത്തിലെ ഒരു പുതിയ അധ്യായമാണ് അല്‍ റൗദ പ്രത്യേക സാമ്പത്തിക മേഖല പ്രതിനിധീകരിക്കുന്നത്. ഒപാസും ഒമാനി പങ്കാളികളുമായുള്ള അടുത്ത സഹകരണത്തിലൂടെ, ഈ പുതിയ മേഖല ഇരുരാജ്യങ്ങളും തമ്മിലുള്ള ആഴത്തിലുള്ള വ്യാപാര ബന്ധങ്ങള്‍ ശക്തിപ്പെടുത്തുകയും സുസ്ഥിരവും വൈവിധ്യപൂര്‍ണ്ണവുമായ സാമ്പത്തിക വളര്‍ച്ചയ്ക്കുള്ള അഭിലാഷത്തെ പ്രതിഫലിപ്പിക്കുകയും ചെയ്യും.' സുല്‍ത്താന്‍ അഹമ്മദ് ബിന്‍ സുലൈം പറഞ്ഞു.

ഇരു രാജ്യങ്ങളും തമ്മിലുള്ള ബന്ധം വര്‍ധിപ്പിക്കുന്ന ഒരു ലോകോത്തര പ്ലാറ്റ്‌ഫോം നിര്‍മ്മിക്കുക എന്നതാണ് ഡിപി വേള്‍ഡിന്റെ ലക്ഷ്യമെന്നും അദ്ദേഹം കൂട്ടിച്ചേര്‍ത്തു.

The UAE and Oman have signed a strategic agreement to jointly develop the Al Rawda Special Economic Zone, aimed at boosting cross-border trade and investment. Discover key details of the partnership and its regional impact.