ജൂൺ 2 മുതൽ, ദുബൈയിലുടനീളമുള്ള 27 സാങ്കേതിക പരിശോധനാ കേന്ദ്രങ്ങളിലും വാഹന പരിശോധനകൾക്കായി ദുബൈ സ്മാർട്ട് ആപ്പ് അല്ലെങ്കിൽ ആർ‌ടി‌എ വെബ്‌സൈറ്റ് (www.rta.ae) വഴി ബുക്കിംഗ് നടത്തണമെന്ന് റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (ആർ‌ടി‌എ) അറിയിച്ചു. പരിശോധനാ കേന്ദ്രങ്ങളിലെ തിരക്ക് കുറയ്ക്കുക എന്നതാണ് ഈ നടപടി ലക്ഷ്യമിടുന്നത്.

തസ്ജീൽ ഹത്ത സെന്ററിനെ മാത്രമേ അപ്പോയിന്റ്മെന്റ് ബുക്ക് ചെയ്യേണ്ടതിൽ നിന്ന് ഒഴിവാക്കിയിട്ടുള്ളൂ. മുൻകൂർ അപ്പോയിന്റ്മെന്റ് ഇല്ലാതെ സന്ദർശിക്കാൻ ആഗ്രഹിക്കുന്ന ഉപഭോക്താക്കൾക്ക് വാക്ക്-ഇൻ സേവനം ഇപ്പോഴും ലഭ്യമാണ്. അതേസയം, 100 ദിർഹത്തിന്റെ അധിക സേവന ഫീസ് ബാധകമാകും.

കഴിഞ്ഞ വർഷം ഒക്ടോബറിലാണ് അൽ ഖുസൈസിലെയും അൽ ബർഷയിലെയും തസ്ജീൽ കേന്ദ്രങ്ങളിൽ മാത്രമായി ഓൺലൈൻ ബുക്കിംഗ് സംവിധാനം ആരംഭിച്ചത്. “ഉപഭോക്താക്കളുടെ സമയവും പരിശ്രമവും ലാഭിക്കുന്നതിൽ ഈ സംരംഭം ഫലപ്രദമാണെന്ന് തെളിഞ്ഞു,” എന്ന് ആർ‌ടി‌എ വ്യക്തമാക്കി. “ആറുമാസത്തെ പൈലറ്റ് ഘട്ടത്തിന്റെ ഫലമായി അൽ ഖുസൈസിലെയും അൽ ബർഷയിലെയും കേന്ദ്രങ്ങളിൽ വാഹന പരിശോധന സേവനങ്ങൾക്കായുള്ള ശരാശരി ഉപഭോക്തൃ കാത്തിരിപ്പ് സമയത്തിൽ ഏകദേശം 46 ശതമാനം കുറവ് ഉണ്ടായി. ലഭ്യമായ മൊത്തം ശേഷിയുമായി താരതമ്യപ്പെടുത്തുമ്പോൾ ഭൗതിക പരിശോധന ഇടപാടുകളുടെ ഒക്യുപൻസി നിരക്കിൽ 15 ശതമാനം കുറവുണ്ടായി.

അപ്പോയിന്റ്മെന്റ് ബുക്ക് ചെയ്യുന്നത് കാത്തിരിപ്പ് സമയം ഏകദേശം 40 ശതമാനം കുറയ്ക്കാൻ സഹായിക്കുമെന്ന് ആർടിഎ പറഞ്ഞു. പ്രത്യേകിച്ച് മുമ്പ് 80 ശതമാനം കവിഞ്ഞ ഉപയോഗമുള്ള കേന്ദ്രങ്ങളിൽ ഒക്യുപൻസി നിരക്കും ഇത് മെച്ചപ്പെടുത്തും, ”ആർടിഎയുടെ ലൈസൻസിംഗ് ഏജൻസിയിലെ വെഹിക്കിൾ ലൈസൻസിംഗ് ഡയറക്ടർ ഖായിസ് അൽ ഫാർസി പറഞ്ഞു.

The Roads and Transport Authority (RTA) has announced that online booking will be compulsory for all vehicle inspections from June 2 onwards. This new rule aims to streamline the process and reduce wait times at testing centers. Vehicle owners must schedule their inspections in advance through the RTA’s official online platform. Stay updated on the latest traffic regulations and ensure compliance to avoid penalties.