ദുബൈ: അബദ്ധത്തില്‍ കാറില്‍ കുടുങ്ങിയ കുട്ടിക്ക് രക്ഷകരായി ദുബൈ പൊലിസ്. കടുത്ത ശ്വാസംമുട്ടല്‍ അനുഭവപ്പെട്ടതിനെ തുടര്‍ന്ന് കുട്ടി വെപ്രാളപ്പെട്ടിരുന്നു. ഇതിനെ തുടര്‍ന്ന് ദുബൈ പൊലിസ് വളരെ വേഗത്തില്‍ കുട്ടിയെ രക്ഷപ്പെടുത്തുകയായിരുന്നു. 

കുട്ടിയെ കാറിലാക്കി മാതാപിതാക്കള്‍ ഷോപ്പിംങിനു പോവുകയായിരുന്നു. തിരികെയത്തിയ മാതാവാണ് കുട്ടി കാറില്‍ കുടുങ്ങിയ കാര്യം തിരിച്ചറിഞ്ഞത്. ഇവര്‍ ഇക്കാര്യം ദുബൈ പൊലിസിനെ അറിയിക്കുകയായിരുന്നു. ദുബൈ പൊലിസ് അയച്ച പ്രത്യേക രക്ഷാസംഘം കുട്ടിയെ ഉടന്‍ രക്ഷപ്പെടുത്തുകയായിരുന്നു. തന്റെ ഭാഗത്തു നിന്നുണ്ടായത് വളരെ വലിയ തെറ്റാണെന്നും ഇതില്‍ ഖേദിക്കുന്നുവെന്നും ഇത് മറ്റു മാതാപിതാക്കള്‍ക്ക് മുന്നറിയിപ്പാണെന്നും ഇതുപോലുള്ള സംഭവങ്ങള്‍ ആവര്‍ത്തിക്കാതിരിക്കാന്‍ ശ്രദ്ധിക്കണമെന്നും കുട്ടിയുടെ മാതാവ് പറഞ്ഞു.

അശ്രദ്ധയോ ആവശ്യമായ മുന്‍കരുതലുകള്‍ എടുക്കാത്തതോ കാരണം കാറുകളിലോ ലിഫ്റ്റുകളിലോ വീടിന്റെ പൂട്ടിയ വാതിലുകള്‍ക്ക് പിന്നിലോ കുടുങ്ങിപ്പോയ 92 കുട്ടികളെയാണ് കഴിഞ്ഞ നാല് മാസത്തിനുള്ളില്‍ ദുബൈ പോലിസ് രക്ഷിച്ചത്.

ഇവരില്‍ 33 പേരെ പൂട്ടിയിട്ട വാഹനങ്ങളില്‍ നിന്നും, 7 പേരെ ലിഫ്റ്റുകളില്‍ നിന്നും, 52 പേരെ പൂട്ടിയിട്ട വീടുകളില്‍ നിന്നുമാണ് രക്ഷപ്പെടുത്തിയതെന്ന് ജനറല്‍ ഡിപ്പാര്‍ട്ട്‌മെന്റ് ഓഫ് ട്രാന്‍സ്‌പോര്‍ട്ട് ആന്‍ഡ് റെസ്‌ക്യൂയിലെ ലാന്‍ഡ് റെസ്‌ക്യൂ വിഭാഗം മേധാവി കേണല്‍ അബ്ദുല്ല അലി ബിശ്വ അല്‍ പറഞ്ഞു.

A child left behind in a locked car was rescued in time by Dubai Police, preventing a potential tragedy. Learn how the incident unfolded, the dangers of leaving kids in vehicles, and official warnings issued to parents.