കുവൈത്ത് സിറ്റി: സാമ്പത്തിക സുസ്ഥിരത വര്‍ധിപ്പിക്കുന്നതിനും എണ്ണ ഇതര വരുമാനം ശക്തിപ്പെടുത്തുന്നതിനും ലക്ഷ്യമിട്ടുള്ള നീക്കത്തിന്റെ ഭാഗമായി 10,000ത്തിലധികം സര്‍ക്കാര്‍ സേവനങ്ങളിലെ ഫീസ് നിരക്ക് പരിഷ്‌കരിക്കാന്‍ ഒരുങ്ങി കുവൈത്ത്. ഇതേക്കുറിച്ചുള്ള ചര്‍ച്ചകള്‍ നടന്നുവരികയാണ്.

ഫീസ് ക്രമീകരണങ്ങള്‍ വഴി ട്രഷറിക്ക് പ്രതിവര്‍ഷം 400 മില്യണ്‍ കുവൈത്തി ദീനാര്‍ മുതല്‍ 500 മില്യണ്‍ കുവൈത്തി ദീനാര്‍ വരെ വരുമാനം ലഭിക്കുമെന്ന് ധനകാര്യ മന്ത്രാലയം അറിയിച്ചു.

ഓരോ സര്‍ക്കാര്‍ സ്ഥാപനവും സ്വന്തം ചെലവ് അവലോകനം നടത്താനും ധനകാര്യ മന്ത്രാലയത്തിന് ശുപാര്‍ശകള്‍ സമര്‍പ്പിക്കാനും നിര്‍ദ്ദേശിച്ചിട്ടുണ്ട്. ഈ കണ്ടെത്തലുകള്‍ ഏകീകരിച്ച് അന്തിമ അംഗീകാരത്തിനായി മന്ത്രിമാരുടെ കൗണ്‍സിലിന് മുന്നില്‍ അവതരിപ്പിക്കും.

എണ്ണയിതര വരുമാനം വര്‍ധിപ്പിക്കുക എന്നത് ഒരു പ്രധാന ലക്ഷ്യമാണെങ്കിലും, അവശ്യ സേവനങ്ങളിലേക്കുള്ള പ്രവേശനം നിലനിര്‍ത്തുന്നതും സാമൂഹിക സന്തുലിതാവസ്ഥ നിലനിര്‍ത്തുന്നതും മുന്‍നിര്‍ത്തികൊണ്ടായിരിക്കും അന്തിമ തീരുമാനമെന്ന് ഉദ്യോഗസ്ഥര്‍ പറഞ്ഞു.

Kuwait has announced plans to raise fees for various government services as part of economic reforms. Find out which services are affected, when the changes take effect, and how this impacts residents and expatriates.