കൊച്ചി:ആലുവയിൽ 4 വയസ്സുകാരിയെ പീഡിപ്പിച്ച ശേഷം കൊലപ്പെടുത്തിയ കേസിൽ പ്രതിയായ പിതാവിന്റെ സഹോദരനെ തെളിവെടുപ്പിനായി കോടതിഅനുമതിയോടെ മറ്റക്കുഴിയിലെ വീട്ടിലെത്തിച്ചപ്പോൾ, സംഭവ സ്ഥലത്ത് നാട്ടുകാരുടെ വൻ പ്രതിഷേധം നേരിടേണ്ടിവന്നു. സ്ത്രീകൾ അടക്കം നാട്ടുകാർ പ്രതിഷേധവുമായി എത്തിയതോടെ പ്രതിയെ കയ്യേറ്റിക്കാൻ ശ്രമം ഉണ്ടായതായി റിപ്പോർട്ടുണ്ട്.

“നീ എന്തിനാടാ ആ കുഞ്ഞിനെ കൊന്നത്?” എന്ന ചോദ്യം ഉയർത്തി പ്രതിഷേധക്കാരുടെ ഭീകര ആക്രോശമാണ് പ്രതിയെ ജീപ്പിൽ നിന്ന് ഇറക്കിയതുമുതൽ നേരിട്ടത്. മുഖം മറയ്ക്കാനുള്ള ശ്രമം നാട്ടുകാർ തടഞ്ഞു. പ്രതിയുടെ അടുത്ത ബന്ധുക്കൾ സംഭവസ്ഥലത്ത് ഉണ്ടായിരുന്നെങ്കിലും കുട്ടിയുടെ പിതാവ് ഉൾപ്പെടെയുള്ളവർ വീട്ടിലുണ്ടായിരുന്നില്ല.

പോലീസ് തടസ്സങ്ങൾ നേരിട്ടും തെളിവെടുപ്പ് നടത്തി:

അവസാനം, കടുത്ത  സംഘർഷ സാധ്യത അതിജീവിച്ചാണ് പോലീസ്  തെളിവെടുപ്പ് പൂർത്തിയാക്കിയത്. പോലീസ് ഉദ്യോഗസ്ഥരും പ്രദേശവാസികളും തമ്മിൽ ഉന്തും തള്ളുമുമുണ്ടായി.

പ്രതിയെ ഇന്നലെയാണ് പോലീസ് പോക്സോ കോടതിയിൽ ഹാജരാക്കി രണ്ടുദിവസത്തെ കസ്റ്റഡിയിൽ വാങ്ങിയത്. മറ്റ് കുട്ടികളെ പ്രതി പീഡിപ്പിച്ചിട്ടുണ്ടോ എന്നുള്ള കാര്യങ്ങൾ അന്വേഷിക്കാനും മനോവൈകല്യങ്ങളുണ്ടോ എന്നറിയാനുമാണ് കസ്റ്റഡി ആവശ്യപ്പെട്ടത്.

അമ്മയും കസ്റ്റഡിയിൽ:

പെൺകുട്ടിയുടെ അമ്മ ഇപ്പോഴും ചെങ്ങമനാട് പോലീസ് കസ്റ്റഡിയിലാണ്. വെള്ളിയാഴ്ച മൂഴിക്കുളം പാലത്തിൽ അമ്മയെ  തെളിവെടുപ്പിനെത്തിച്ചിരുന്നു. പ്രതിയുടെ പോലീസ് കസ്റ്റഡി രണ്ടു ദിവസം കൂടി തുടരും. കൂടുതൽ അന്വേഷണ ആവശ്യങ്ങൾ ഉണ്ടെങ്കിൽ, കസ്റ്റഡി കാലാവധി നീട്ടാൻ പോലീസ് വീണ്ടും അപേക്ഷ നൽകും.

During evidence collection at the accuseds house in the Aluva child rape and murder case locals attempted to assault the accused shouting Why did you kill that child Women were among the crowd that gathered Police managed to complete the process in five minutes amid resistance The accused the victims uncle is in two-day police custody while the childs mother remains in police remand